刘马车大爆《全民造星V》内幕遭花姐奚落　控诉对方要求他做癫佬

曾自称“全港最高质YouTuber”的刘马车于月前刑满出狱，他随即频频拍片更新个人YouTube频道，并预告将参加ViuTV年度大型选秀节目《全民造星V》。《造星V》于本月初已公布了今届94强名单，当中却不见有刘马车份。昨日刘马车就于Youtube上载了一条影片，大爆他参加该节目的内幕，公开他与花姐 (黄慧君) 的对话内容，花姐在过去多年一直担任《全民造星》系列的监制，一向获赞眼光独到兼事事亲力亲为，但花姐于今年忽然退任《全民造星v》监制一职。

刘马车在片中表示：“我去《全民造星V》特登走到去电视台𠮶度，即系自己去毛遂自荐，希望话畀机会我呀，咁但系ViuTV𠮶度，阿花姐𠮶啲，导演高层之类啦，就喺度笑我话‘你算啦，哗你真人几正常㗎㖞，你咁样咁正常无意思啦，系咪呀，你如果痴线啲我哋或者都会考虑畀你 (入围)， 系咪呀？即系你上吓嚟，喂我哋电视有啲gimmick呀，即系可以吸引多啲人，如果你正正常常上嚟唱歌跳舞呀，使鬼要你咩！你又唔系靓仔，你白卡嘅，你就系一个痴线佬，你就应该做返人哋想你做嘅嘢！”刘马车说到声泪俱下，看来十分伤心。

他边哭边续说：“即系原来我想正正常常做啲嘢，系唔得㗎，人哋就系好似ViuTV呢啲，就系话想睇我痴线呀，要我痴线先有人睇呀，系咪真系好可怜好可悲呀？觉得自己要去癫，要去痴线，要去闹人哋，要去糟质自己，要做呢啲嘢人哋先会肯畀机会我上电视。咁我依家唔想做呢啲嘢吖嘛，我想做一个正路嘅人，做返啲自己真心想做嘅嘢，但原来就系唔得，人哋想睇你癫，想你行返回头路，最好睇你又坐监喇，又畀人打喇，死咗去咁啲人就开心。”刘马车说到情绪崩溃，喊得极之委屈。不少网民都留言撑他，为他打气加油，不过亦有网民指他惯了用这种技俩来搏同情，网民反应两极。

点击睇刘马车声泪俱下：