给十九岁的我｜电影暂停公映　女主角胞姊马咏茹对事件不作评论

前港队单车代表队成员马咏茹今日（20/2）现身尖沙咀出席活动。提到其亲妹马燕茹有份演出的电影纪录片《给十九岁的我》公映惹来争议，以及好友李慧诗亦发文炮轰导演张婉婷，将一段2016年1月采访她的访问片放进电影中公映，直言当年受访时没有被告知有关片段会被放到纪录片中公映，令她感到非常不满。

马咏茹接受《香港01》访问时表示：“其实初初我转做运动员嘅时候，都遇到好大压力，反而系李慧诗佢开解我，同埋佢会畀意见我，叫我做好自己。好相信佢经历过咁多，面对过咁多事件，我相信佢系好识得去处理呢啲事。（妹妹演出如何评价？）首映当日我系有睇过，因为我妹妹都系其中一位主角。而当中有好多嘅评论，我系唔太清楚，我只系用观众嘅身份去睇呢套电影，咁所以对呢套冇任何意见。”

被问到电影《给十九岁的我》被暂停公映，会否感到可惜？马咏茹表示：“我唔知背后发生过乜嘢事，但我觉得如果大家有机会睇过嘅话，就会有自己嘅感受。（妹妹拍摄时候有否反应过拍得辛苦？）我谂妹妹佢系做返佢自己，我谂拍嘅时候系冇影响佢太多。（套电影角逐金像奖！）我冇太多评论喺呢件事上。”