网友爱听杜琪峰闹人？盘点15大金句睿智又霸气：你唔得就返屋企

杜琪峰（杜Sir）近日在柏林影展担任评审，发表有关电影价值的评论，获大量香港网民转发，却因疑似是“不正当言论”引起大陆媒体关注。其实出名“爱闹人”的杜Sir一向妙语连珠，不时在访问中爆出霸气金句，亦爱训勉后辈，以下就节录其中15句！

杜琪峰（杜Sir）出名敢言又爱闹人，但闹归闹，电影圈中后辈和影迷们却十分爱戴他，争相俾佢闹。近年有影迷为他开设专页“杜Sir提你今日做得未够好”，专门缉录杜Sir闹人和讲经的语录。另外又有网民改图，年前杜Sir接受港台节目《铿锵说》访问，展示墙上一句来自已故学者饶宗颐先生的题字“止于至善”，指这四字能让他平静，却被网民改成：“做错就X”，认为这才是杜Sir的座右铭。

杜Sir不但敢X工作人员，也曾X过金像奖，因不满其制度，杜Sir多年来皆拒绝出席，又曾表示为郑秀文失落金像影后嬲足10年，在《盲探》上海发布会上说：“他X的金像奖！什么奖来的！”

杜Sir从不否认自己常闹人，却在纪录片《无涯：杜琪峰的电影世界》中提到，自己闹人只是对方冇谨守岗位。虽然他好像很易发火，但对年轻电影人的提拔却是行内数一数二，并不时有训勉和鼓励他们，又对香港电影始终抱持希望，就连导演郑保瑞都讲过自己十几年前被杜Sir闹醒，影响一生。

以下就盘点15句出自杜Sir口中的金句。

“胜负唔系好重要，但系我哋有冇做过，有冇尽过全力做自己应该做嘅事。”
——《柔道龙虎榜》制作特辑

“他X的金像奖！什么奖来的！”
——《盲探》上海发布会

“我闹人我认，我冇得话我冇闹过，我系闹佢，我唔钟意就系咁，我觉得作为一个专业人士，每个人应该识谨守自己岗位，每个人应该有自己Professional嘅态度喺度。”
——纪录片《无涯：杜琪峰的电影世界》

“做人，你做几多咪有几多啰！”
——获颁浸大营誉文学博士

“创作系需要有自由，应该唔需要有束缚，系透彻嘅。”
——《树大招风》首映礼

“唔好话冇机会，呢个世界一定有机会！”
——港台节目《大学问八讲》

“如果你嘅意图系光明正大嘅，咁你怕咩？”
——《香港01》专访

“话香港电影已死𠮶啲，𠮶位先生咁讲，佢都唔识咩叫电影！佢识揾食，但系佢唔系识电影吖嘛。做电影嘅年轻人千祈唔好听，呢句说话系废话！”
——港台节目《铿锵说》

“一切嘅嘢都喺混沌里面，一切嘅嘢全部都系撞嚟撞去，先撞出个样出嚟。你好努力去做，有信念，就算终归达成唔到，至少你对自己有交代。”
——港台节目《铿锵说》

“灵魂嘅粮食系电影。”
——港台节目《铿锵说》

“你要相信佢（电影）会得先，你入到依个圈，只有得同唔得，得就得，唔得就返屋企。你如果觉得得唔得都得，咁即系唔得。”
——《第十五届香港艺术发展奖颁奖礼》对谈

“人一有念头，啲事就会出现，所有好同坏都会出现。”
——ViuTV节目《导演·门》

“Everything from details，电影就系details！”
——ViuTV《导演·门》

“你蠢唔紧要，最紧要你有冇心，有冇对电影嘅尊重或者Passion。你当捞？唔使嚟捞电影，出面大把嘢捞，创意工业唔系咁！”
——ViuTV《导演·门》

“你做乜X嘢谂我谂乜，我谂到就我拍啦，你谂返自己𠮶啲啦……唔好因为投入好多时间好多感情去做，就以为已经呈现出嚟，其实未得呀！”
——训勉郑保瑞