廉政狙击｜胡定欣气场超强劲　蔡洁感激定欣帮手拣台庆战衣

由邵氏兄弟及优酷出品，乐易玲担任总制片人的《廉政狙击》，由黄宗泽、吴卓羲、王浩信、谭俊彦、胡定欣、蔡思贝、林夏薇、黄智雯领衔主演，主要演员有陈展鹏、黄智贤、郭政鸿、方力申、高钧贤、黄子恒、蔡洁、傅嘉莉、罗霖、黎燕珊等。

靠造型带出霸气

《廉政》早前在内地已率先开播，并成功引起关注度，胡定欣亦正亦邪的角色—屠敏更是令不少网民眼前一亮。在剧中为求报仇耍尽心机兼不择手段的屠敏，表面上是昭强集团大老板，身边围著一群忠心能干下属。为了打造女强人角色，定欣每次出场不但化行妆，且套装或晚装均相当Sharp醒，获网民赞拥有“超强气场”。问到定欣在角色造型方面有否给予任何意见或出动私伙时，她说：“今次嘅服装都系由剧组服装指导负责，虽然第一次合作，但系都好夹，佢为我安排嘅衫完全畀到我有做老板嘅感觉。”

由于屠敏角色相当立体兼别具层次，不但有著惨痛的成长经历及过去，为人有心计之余亦有情有义，令定欣成功在内地播映期间赢尽好评，定欣受访时亦坦言屠敏角色相当有难度：“呢个角色好多时都好需要忍耐，因为咁先可以达到佢嘅终极目的，就系讨回公道。而呢个角色最难亦系忍耐，因为过程入面佢会遇到好多刺激到佢嘅嘢，例如要忍住啲坏人忍到最后一刻，同埋面对失散多年嘅至亲，明明见到佢哋都不能相认，呢啲感觉系几辛苦嘅，加上个角色嘅过去都好沉重，自己作为观众去睇（个故仔）都感受到好多伤痛。”

赞定欣是很好的聆听者

除了定欣本身，定欣身边的昭强兵团亦相当有睇头，由三大靓女蔡洁、陈庭欣、庄思明，及型男古天祥组成，五人更自称为“五星战队”。四名得力助手中，以饰演屠敏得力助手、集团执行总监的蔡洁与胡定欣最多互动；虽然是次是蔡洁与定欣首度同剧合作，但原来早于蔡洁入行前，二人已经“合作”过：“𠮶时我喺澳大利亚选完美之后去咗一间华人杂志社度写专栏，喺我入职唔知第一定第二个月，定欣就去咗澳大利亚，我就采访咗佢，𠮶时佢篇专栏系我写嘅，亦算系我喺𠮶间杂志社写嘅第一篇艺人访问，所以都几有缘，我一直都觉得佢好专业好靓。”

谈到剧中与定欣劲多互动，蔡洁笑言获益良多：“我算系喺VIP位置去睇定欣表演，我觉得佢真系好游刃有余。同埋有一排我有啲心事，我好Open同佢分享咗，佢又畀咗好多意见我，我都好Surprise，佢系好好嘅聆听者。”蔡洁更感激定欣于去年台庆帮忙挑选战衣：“我著咗条黑色裙，好多人赞，其实𠮶条裙定欣有份帮手拣，所以好开心认识到佢呢位朋友，希望以后再多啲合作。”