【全职没女】陈滢恋爱重沟通 对爱情没信心：冇谂过投靠男人
睇过《全职没女》，都知陈滢如何色透张振朗。加上陈滢外表如此甜美，笑起上来甜丝丝，想必她会是个小鸟依人，非常girlfriendable。可是陈滢就话自己比较独立，不过并非在恋爱方面，而是由加拿大回流返港发展，需要重新适应生活环境所形成。
对爱情冇信心 亦不想靠男人
生活环境令陈滢变得更独立，除此之外，她的爱情观也随经历有所转变，首要条件就是自己让自己更开心。“其实我同《全职没女》所做嘅缪思有啲似，都会觉得有时唔好太倚赖男人，要靠返自己实力，为自己做返啲嘢，自己生命系要由自己去掌握，唔系要人哋畀啲咩自己去得到满足。”加上陈滢从小到大眼见身边朋友、长辈的感情都是断断续续，未有一个很完美的伴侣可以走下去，这也是促成陈滢只身返港生活的原因，同时都没有旨意去投靠任何人，尤其是男人。
“就算拍拖，我都会Keep住有自己想做嘅嘢，而唔系得闲就：‘喂，喂我食嘢吖’，又或者‘帮我找卡数啊！’”虽然有好多男士都想为女神这样做，但陈滢的中心思想，都是不要为爱情而失去自己。所以陈滢经过过往的经验，对择偶方面有所调整：“之前都系基于爱，但未有足够嘅沟通，理解唔到各自工作嘅状况，好多时听到做嘢嘅事，只能够讲：‘加油啦，唔好唔开心啦。’又或者自己做一场戏做得唔好，好唔开心，对方听完只系讲：‘明天会更好。’缺少咗内容喺入边，点解我会唔开心？点解我会觉得自己做得差，分析唔到。”陈滢表示最近才发现这些问题，就算往后恋爱对象未必是圈中人，都希望彼此一定要有良好的沟通，而不是讲心事时轻轻带过。
现时单身的陈滢，透露往后的恋情都会保持低调。另一边厢，她坦言可以“再见亦是朋友”，目前跟有些前度仍有联络：“我冇嘢嘅，自己份人比较easy going，同时又好爽快。所以有时同朋友，或者之前嘅男朋友，大家好耐都冇见，但可能突然见到一样嘢会谂起佢嘅，我唔会觉得好冇脸同顾虑，我会直接影张相，send畀对方：‘hi，think of you’呢种关系唔系日日讲嘢，都系以朋友关系关心一下近况。”照咁睇嚟，唔知她的前度之一何猷亨有冇份呢？