廉政狙击｜罗霖大胆拍床戏儿子看完大赞：仲话我拍得好靓

罗霖（Candy)昨晚（13/2）现身九展出席电视剧集《廉政狙击》首映会。提到她剧中为了助老公黄贤智成功投标，不惜为夫献身贿赂饰演未来都会发展局企业发展总监的蔡康年，画面非常香艳。

Candy接受《香港01》访问时表示：“其实我第一次做衰人，系接呢个角色嘅时候谂过，拍完出街会唔会俾人闹，但而家啲观众好聪明，唔会再咁做。而当我收到剧本嘅时候系知道有呢个床上戏，加上知道电视尺度有限，变咗我系唔担心。而蔡康年我同佢合作过无数次，变咗我对佢非常之信任，拍嘅时候全冇尴尬。不过最紧要拍嘅时候，防走光措施要做足，我系黐晒胶纸打晒底，同埋着晒泳衣，咁所以拍嘅时候系好放心。（拍之前有冇做护肤？）咁又冇，因为我觉得作为艺人，一路都要保持备战状态，因为当机会嚟就要把握。如果要等你嚟减肥嘅时候，就会做唔到呢个角色。（仔仔知唔知你拍呢场戏？）佢哋系知道，仲话我拍得好靓，始终佢哋3个都系读国际学校系鬼仔性格，接受程度好大，佢哋系会觉得冇乜嘢。”