乔宝宝返港工作接唔停　老婆吩咐跑唔够数要返去凑孙：要努力先得

乔宝宝今日（4/2）现身黄埔出席新城电台节目访问。乔宝宝阔别香港已有3年之久，农历新年前特意从英格兰返港过节兼工作扮演财神：“其实都好开心有咁多畀我做，不过始终赚埋都系俾屋企，而我就好少话会奖励自己，多数都系奖励老婆仔女，而家仲要奖励埋孙仔孙女。（有冇挂住香港先？）都挂住㗎。始终香港系我出生地，朋友就香港多，相反英格兰亲戚就多个朋友。（觉得香港幸福还是英格兰？）两边唔同幸福啰，𠮶边系家庭乐，呢边就娱乐啰，乐趣上有少少唔同。”

此外，乔宝宝透露原定按排在下月6日离港，但因应工作需要多逗留2个月：“今次返嚟真系接多咗好多工作，变咗要做晒手头上嘅嘢先。老婆仲话我，如果月尾最基本条数交唔到，就叫我返去，屋企有两个孙等我返去凑咁话，变咗如果我想继续留喺香港嘅话，我就要努力跑数先得，哈哈！”