吴若希今晨诞B女Giselle　靠许廷铿“催生”准时出世

24岁的吴若希（Jinny）自去年11月宣布陀有B女后，今日正式升格做人妈咪喇！有报道指吴若希昨晚作动，老公即时送她入院，经过十多个小时之后，囡囡于今早出世，取英文名为Giselle。吴若希的Instagram暂时未有更新，她两天前还讲到剪指甲剪到饿，但因为有了BB，未能尽情大吃大喝的心情，现在为食的吴若希终于可以放纵一下，不过生完B女，月还是要坐，口都尽量要戒。

记者致电过吴若希的好朋友许廷铿，他表示Jinny昨晚作动时都有传短讯给他，觉得有种莫名的感动：“其实都等咗好耐，因为一直都睇住佢，由之前喺台湾拍MV，唔系好知佢有BB，到之后知道咗，系见证住成个过程，都真系好感动。”许廷铿笑言自己有催生功能，被封为“催生铿”，“之前同谢安琪、一个化妆师同埋Jinny去食饭，3个大肚婆，食完冇耐，化妆师同Kay都生咗，系差Jinny；早排再同Jinny去食饭，睇下有冇用，因为Jinny好想23号呢个日子生，最后BB都准时出世，仲要顺产，真系好开心。”

许廷铿今日有工作在身，未能亲自去探BB及Jinny，他形容Jinny“攰得嚟又好精神”这种初为人母的兴奋心情，而他早前在日本睇演唱会时，有特意去买一些适合BB的用品。许廷铿说到最后，兴奋的心情仍未平伏：“两、三年前佢仲系一个o靓妹，早排见到佢抱住个肚，一脸满足，成为咗妈妈，真系好奇妙。”他还大赞BB女取名Giselle取得好，大个一定系靓女，还透露BB女未出世时，双腿比其他同周期的BB长，将来应该会有Model身型。