超级毛特儿大赛｜黄嘉雯被狗咬屁股受伤留阴影：可能我样衰

黄嘉雯（Carmaney）钟柔美（Yumi)今日（28/1）以评审身份现身柴湾出席无线J2《超级毛特儿大赛》面试。Carmaney透露大半年前，被朋友饲养的狗只咬伤，现在仍心存阴影：“𠮶日去亲戚屋企，准备走嘅时候，佢突然扑埋嚟，从后咬咗我个屁股一下，𠮶吓都好愕然，睇到个伤口系有啲皮外伤，之后我都冇去睇医生，因为只狗系有打到针，所以就冇担心会有疯狗症。（只狗咁唔俾面，港组冠军都咬！）哈哈，可能𠮶日我戴住顶帽，加上又冇化妆样衰，所以佢咬我。所以而家我系唔敢掂啲大狗，心存阴影。”

另外，Yumi透露自己家中饲养7只狗，照顾牠们相当费气力：“其实点解我会养7只狗咁多，原因系第一只狗系屋企人送俾我嘅生日礼物嚟，跟住婶婶又再送多两只俾我，点知呢两只狗又生咗4只，之后仲谂好晒边啲狗BB送俾边个。但到最后我同屋企人都好唔舍得，于是就将计划取消，就冇再俾人。”