【射雕英雄传】米雪系第一代黄蓉　赞苗侨伟黄药师造型man爆

最近内地古装剧《新射雕英雄传》简直hit爆，而且TVB眼见这股风潮，将原本已撼低的自家重头剧《赌城群英会》、由杨幂主演的内地剧《三生三世十里桃花》，再一次变卦换牌，于5月8日播放《新射雕英雄传》，希望个势可以keep住上，观众受唔受就未知，但呢股古装剧潮将会进一步弥漫香港。

讲起《射雕英雄传》，不论是电影、电视剧，数数手指，翻拍次数快将有20次之多。而今日眼见米雪出席TVB剧《心理追凶Mind Hunter》活动，回想起她在佳艺电视时期，拍过《射雕英雄传》，是第一代黄蓉。米雪亦因此剧而一炮而红，当时被大赞将黄蓉佻皮可爱。而今日米雪得知无线会播《新射雕英雄传》，以第一代黄蓉身分表示：“好剧不妨一睇再睇啦，我仲记得我拍呢套剧时都好开心。”不讲不知，米雪姐都有留意三哥苗侨伟在剧中的造型：“梗系有留意啦，佢套剧个造型真系好有型，之前同佢食过饭，都觉得佢keep得好好，近睇都好似冇咩瑕疵。加上越大就越成熟，成阵味都出晒嚟。”米雪仲话三哥这类型一直好有市场，而三嫂都不用担心，因为有人钟意都好正常。