Bob林盛斌又爆赚钱贴士　一个方法教你农历新年前吸客过肥年

林盛斌（Bob）一向是圈中出名揾得多艺人，靠他一人之力养起一家六口，从九龙塘四层独立屋搬到另一间大屋，屋内装修气派豪华，不但有长楼梯兼大床，花园超大摆到临时泳池，令人羡慕！而Bob亦进攻海外楼市，花费约80万购入位于美国俄亥俄州的千呎独立屋，连前后花园兼车房，每月收租8000蚊回报率达12%，认真识投资。

一向大方的Bob日前于新片大爆赚钱贴士，说到“做钟意嘅嘢，啲钱就自然会嚟”，Bob不是百分之百赞同这句说话，他形容这个想法就似“你钟意食乜就食啰，你钟意食就㗎啦！你之后身形就会好Fit、好靓㗎啦！”或是“你钟意打机就打机、钟意碌IG、Facebook咪碌啰，唔使温书，考试自然会好㗎啦！”

Bob认为上述想法不合理，而他比较认同“做你必须做嘅嘢，啲钱先至自然会嚟。”他指有时需要处理一些你讨厌、但必须完成的事才能够成功，他以减肥为例：“如果你想你身形Fit啲、 窈窕啲，你系需要喺你每一日返工之前一早起身，又或者收工之后，非常之累，都去做Gym，跑步、举铁呀；仲要非常注意你嘅饮食，唔好食你好钟意、但极度唔健康𠮶啲嘢，仲要每日持之以恒，讲真，你想唔想做呢啲嘢？”Bob认为要成功就必须付出相应代价。

Bob指出商业社会只会在乎你能带来的价值，而非你喜欢做甚么，“作为一个客户，我畀钱你，你可以为我带来啲咩价值呢？你可唔可以解决我问题、满足我需要呢？如果可以，而我又信你，我先会畀钱你嚟换取。”Bob称自己也不是享受所有工作，例如拍片前要写稿、联络拍摄，不时感到气馁，但仍选择坚持下去。

点击睇Bob林盛斌豪宅及海外物业：