大刘庆幸有稀粥食唔想影响下一代 唔控告萧若元：佢揾到食使乜咁
大刘刘銮雄今日高调召开记者会，心情大靓，有问必答，访问足足一个半小时。对于萧若元在元旦上载新一辑“萧氏新闻台”，仔细分析大刘出声明澄清与吕丽君无来住，是要平息甘比的妒忌心，还谈及两房女儿，认为买巨钻给女儿并不好，这段影片一天的观看人次达13万人。
大刘表示不会要求萧若元收回言论，或采取法律行动，指虽然有不满，但不会找台湾朋友“探吓佢”，自言好谅解对方，并以杀人做比喻，他说：“我好谅解萧若元，佢揾到食使乜咁吖，如果我有一日要喺平台咁呃like呀，我就大乜X镬啦！”
大刘谈萧若元访问全文如下：
“第一我绝对唔会（采访法律行动），第一系台湾嚟讲，虽然台湾我都识好多法律朋友，不过如果样样我都取法律行动，即系变相益佢，喺台湾采取法律行动，或者叫台湾朋友去探吓佢，都系益咗佢，你问得好呀，我谂都唔会谂呢啲嘢！
我今日庆幸都揾到稀粥食，我唔希望我做任何嘢影响我第二代第三代生仔冇屎忽，你听唔听得明呢句说话呀，有啲人好惨架，为咗揾食，男人卖箩柚又有，女人出卖肉体又有，全世界都有。我今日都好吖，庆幸自己勤勤力力，又借我外母15万碌到今日咁，唔敢讲揾得到好多，两餐安乐茶饭食。
你会唔会问我采取法律行动？唔会，但如果继续讲呢？我就可能会讲，我耐唔耐又讲，打击佢喺台湾𠮶个咩网络平台，会令佢冇晒信用。我唔会专登去做，但如果佢继续咁做，好似有次朋友讲，我话佢就好彩啦，佢有权选择佢想做嘅嘢，但我唔好彩我冇权选择。例如你有权选择杀我，你预备杀我，咁我冇得选择。咩意思呀，我明明唔想杀你都要自卫杀你啦！简单讲句，你明唔明我意思呀，即有权选择做啲侵略、害人嘅事，但我冇权选择，当有人入嚟我屋企要杀我全家咁点呢？我冇得选择啰。
我系讲比喻啫，唔系讲杀，何况大家相识一场，我好谅解萧若元，佢揾到食使乜咁吖...如果我有一日要喺平台咁呃like呀，我就大乜x镬啦！哈！
我教我老婆点呀，我话悭啲使呀，尽量帮到人都去帮手呀！好彩依家唔使悭，佢好惨架佢，简单讲佢点解要去台湾呢？梗系争人，但呢啲我唔知，冇交集、冇来住，但佢醒目呀，利用我嘅topic去吸引去attention，咁咪多人落广告，收到钱赚钱。有人话我知佢一个月十几廿万，我唔知，有冇可能呀？我唔识呀，佢一个月赚十几廿万我都替佢开心，吹吓水啫，最多我狂燥症啫，掟支票落人哋面珠啫，最多钟意话我先奸后杀啫吓话，X但如果讲到我先奸后杀𠮶时，我真系冇choice呀。X你最多话我有狂燥掟支票落树啫，但我最钟意最爱边个佢又知嘅，我自己都未知呀！咁多位，哈，佢话佢知我最我边个边个，佢讲嚟讲去都系作！”
大刘刘銮雄澄清记者会详情?
大刘刘銮雄早前被影到与前女友吕丽君（现名吕姵霖）惊现铜锣湾皇室堡行街，这次更是二人情断八年后首次合体，今日(1月3日)早上11时开记者会亲身交代事件。
为何大刘早前已作文字声明，但事后都要再向公众交待更多详情?
早前发表公开文字声明后，各界仍然对事件提出不少疑问，故此刘先生希望亲身向公众交待更多详情。