叱咤2022｜COLLAR齐人复出心情激动　So Ching：阿Mo好支持我

COLLAR于叱咤上以大热姿态夺得“生力军组合金奖”，她们其后到后台接受访问时，成员Day因不适而未有现身。

事隔大半年再踏舞台，众人表示心情激动，Gao表示：“我哋系COLLAR呢句由day 1介绍自己，到今日企返上嚟讲系好有意义。”Marf表示因为没有用耳机，所以能非常仔细听到观众声音，感觉十分特别。“因为我哋好钟意表演，现场听到𠮶种支持，同再见到台下好多人，系好感动。”

芯駖表示1月12日是COLLAR出道一周年的日子，当日会有庆祝活动，芯駖其后更激动落泪：“因为我呢排都好忙，大家都好攰，觉得大家都好厉害，同埋好多谢fans等我哋咁耐。”再踏舞台，So Ching 以兴奋及好开心形容自己嘅心情，“因为都系隔咗半年先同7位成员喺台上表演，好开心有呢个奖，亦多谢fans。（男朋友都支持你复工？）我同佢一直都有共识，佢好支持我每一个决定，佢好开心见到我活跃返，因为呢样嘢对佢嚟讲系治疗同康复路上好大嘅动力，所以我都相信佢系会好嘅，希望大家可以为佢多多祈祷。”So Ching 表示可用Siri与男友沟通，虽然有点困难。

问到是否因Mo的情况稳定故可安心复工，So Ching表示：“因为各方面都增加沟通，情况愈来愈偏向稳定，所以我哋都觉得我要有返自己嘅工作，唔想辜负我嘅成员、fans,，所以都会想今日出嚟同中家见面。”So Ching 又否认曾考虑退团。谈发新年愿望，So Ching 表示只得一个，“大家继续为我男朋友祈祷。”她透露有一直进修以及练歌，原因是为将来做好准备。