新手爸爸郑俊弘凑囝忙到无时间玩音乐：系值得嘅

郑俊弘（Fred)今日（29/12）现身鲗鱼涌室内攀石场出席无线热播剧集《轻•功》宣传造势活动。阿Fred与与爱妻何𠥔诗婚后两年，育有爱情结晶品囝囝Asher幸福满泻。作为新手爸爸的他就透露，因为要照顾小朋友，连玩音乐的私人时间都要牺牲，但总觉得是值得的：“起初头一两个月嘅时候，体力同精神上系比较身苦，但而家佢愈来愈大，好多嘢都开始定啲，了解佢多啲，知道佢想表达啲咩，变咗而家压力系冇咁大。”

Fred续说：“其实我太太主要都系喺喂食方面着手照顾囝囝，而我就大多数帮囝囝冲凉，其他嘢大家都会互相去配合走位处理，所以问题不大。（有冇计划再生B?)其实我同太太系有计划再生嘅，不过我谂如果再生多个，到时真系晒私人时间。（囝囝黐边个多啲？）佢比较黐妈咪多啲，因为每次妈咪抱住佢，佢都会好冧咁挨住妈咪。（有冇呷醋？）咁又冇，其实咁反而仲好，因为佢黐妈咪，变咗我就会咗空间。”