台庆颁奖礼｜陈炜被外界看好凭《回归》攞视后：要讲天时地理人和
撰文： 吴子生
出版：更新：
无线年度盛事《万千星辉颁奖典礼》即将于1月8日隆重举行，今届“最佳女主角”竞争激烈，当中4位女星成大热之争，包括陈炜、江美仪、鲍起静及陈滢，而外界更一致看好陈炜攞视后，除了演技了得之外又入屋，最重要另一因素是她是无线亲生女。至于陈滢虽然是邵氏力捧艺人，但演技同陈炜相比仍有段距离，所以陈炜攞视后的呼声极高！
炜哥今晚（20/12）现身尖沙咀西九文化中心出席“寻找足印·莫内”沉浸体验展接受《香港01》访问时表示：“虽然就嚟颁奖礼，但心情依然平伏冇太大嘅紧张，而有好多事前准备功夫我都做好，例如当晚嘅战衣啦，同埋《回归》嘅剧，喺较早年中嘅时候出，而呢排到有好多宣传嘅活动，咁所以自己都做到足，咁所以希望大家再回忆一吓，当时套剧有好多感动嘅情节，咁所以只要有感动过嘅朋友，就嚟投我一票。”
对于外界一致看好她攞视后，炜哥谦虚表示：“其实每一位入围嘅对手，都系有实力，因为佢哋每一位都好全心全意去演好佢哋嘅角色，咁所以每一位都系有机会去攞呢个奖。如果你问我有冇信心去攞呢个奖，我觉得系要讲天时地理人和嘅因素，无论何时，我都要俾信心自己。”