【主人我返嚟喇】孙慧雪陀B仍然爱毛孩：狗仔会识照顾小主人
《主人我返嚟喇》今集有阿雪（孙慧雪）和她的主人Moji，今次邀请阿雪有特别原因，她家中有4只狗狗，而大家都知她即将生BB，她会是没有良心的狗主，一生BB便弃养狗狗吗？抑或有特别的方法令两者和平共处？阿雪原来早有准备。
阿雪有两只松鼠狗、一只芝娃娃和一只贵妇狗，由于她陀住BB，所以只方便带贵妇狗Moji出来接受访问。Moji眼仔碌碌非常可爱又黐身，阿雪把牠放在地上，Moji不会分心四围走，只会一直望着她又不停扑她的小腿，可见平时阿雪有多爱锡她的狗狗，她也肯定地说，不会因为有BB便弃养：“绝对唔会！因为我已当佢哋系屋企人，冇理由因为有小朋友就唔要佢哋嘛！”原来阿雪经常去做义工帮助流浪狗，遇过很多要仔唔要狗的家庭，令她很气愤：“我都几嬲㗎！生小朋友系一个计划，你养狗都知道起码有十岁啦！你应该知道未来十年会唔会有小朋友，你会知道只狗依然喺度嘛，所以我觉得养宠物一刻就应该谂清楚，唔可以有BB就唔要只狗。”
她说已为BB和狗狗的相处做好准备：“我哋猛咁上网睇一啲狗仔同BB同相处嘅片，好期待呢样嘢！我觉得狗仔天生有使命感，佢应该知道𠮶个系小主人然后照顾佢。”阿雪这样说绝对有理由，她称自从发现有了身孕，家中狗狗对她的态度也有神奇的转变：“以往我瞓喺张床度，佢哋（狗狗）就全部跳晒上我度，会跳落我个肚度，好大力；但我有咗BB之后佢哋好乖，佢哋系咪有灵性系知道呢？我坐梳化佢哋又只会坐我大髀唔会跳喺我个肚度，佢哋可能真系知道。”
阿雪陀住5个月BB依然好靓，而她与老公为保持神秘感，还未想知BB是仔定女。“我哋选择唔知，根本猛咁估啰！我想系仔，佢（老公）就想系女，因为佢觉得女会黐嗲哋，仔会黐妈咪，我哋大家都好想抢，想BB黐住自己。”当然仔女一样咁爱锡，而且阿雪讲明唔会偏心，无论BB定狗仔一样会如珠如宝锡到㶶。