绳角︱骆振伟入行15年终于揾到代表作　转轨道做演员封印歌手梦？

ViuTV原创剧《绳角》今个星期进入结局周，周二（29/11）播出的第11集更上演“大师兄”骆振伟（饰袁天就）大战“亚洲拳王”王智德（Alton，饰井泽魂）的超强戏码，而对决最后亦以骆振伟擂台上被打死告终，令观众泪崩兼闹编剧“点解要整死大师兄”，更有人提议电视台为骆振伟开拍前传，让“大师兄”再现公仔箱。

绳角︱Alton擂台打死骆振伟！　观众睇到喊：点解要整死大师兄

绳角︱AK睇大师兄之死睇到垂泪　骆振伟搞“地狱Gag”网民笑住喊

骆振伟加入ViuTV多年，本身效力now TV的他在“过档”之后主持过不少节目，当中包括《SE7EN》、《晚吹 – 男人讲嘢》、《歌手．门》等，更是招牌音乐节目《Chill Club》的常设主持，而他在参演《绳角》前亦拍过不少剧集，例如《诡探》、《黑市》、《暖男爸爸》和《太平纹身店》等。除了主持、演员工作，骆振伟亦是一名歌手，2007年在《英皇新秀歌唱大赛》中赢得“金咪大奖”，但之后签约英皇的他工作量不似预期，所以三年后便离开公司，到前年推出歌曲《成熟．不了》才再圆歌手梦。

问会否想过“大师兄”一角如此受观众欢迎，骆振伟接受《香港01》访问时坦言未有想过，更指自己当初还觉得观众可能觉得他孭不起“香港拳王”这个角色：“之前家辉哥（张家辉）为拳手角色Set咗个好高嘅Standard，所以好惊自己身形唔似、出到嚟俾人感觉好流，而家得到咁多人喜爱袁天就呢个角色，我系好感恩。（提议下拍大师兄前传？）完全冇，因为一开场监制同导演都话我个角色好正、会死，佢哋又话如果开到续集、电影就好，咁我就话‘即系冇我份啦’，至于前传、外传又或者野史就之后再算啦，或者系原班阵容拍其他题材嘅嘢。”

谈到入行15年终于有获得观众肯定的代表作，问日后是否也是专攻拍剧，骆振伟说：“冇话专攻边样嘢，但系我最想发展都系演员，希望嚟紧都会有唔同挑战、唔同角色尝试，始终我都系好新嘅演员，都系学习嘅阶段，当然其他工作我系唔会放弃、唔会Say no嘅。（会再出歌继续歌手梦？）有做嘅但唔知几时出歌系好时机，始终我唔系全职歌手，但系我系一个好钟意唱歌嘅人，有机会唱下歌系好开心嘅，我担心嘅系会唔会多个身份会令人混淆定位，所以而家都系专注做演员先。”