【全职没女】陈松伶最初抗拒姊弟恋　被暖男老公攻陷芳心

虽然极老土，但有句说话不得不说：“天无绝人之路。”陈松伶2005年正值人生低潮，她毅然淡出香港娱乐圈，到内地发展，成为她与老公张铎相遇的伏线。提起对方，松松变得滔滔不绝，说话语气显得放松，瞬间感受到她想起对方，不自觉流露出满满的爱意。

“我唔系一个恋爱大过天嘅人，如果唔系都唔会咁迟拍拖。加上当时都太忙，根本都冇时间拍拖。但我谈恋爱嘅话，我就系look for一个long term嘅relationship。”如是者，张铎的出现对松松来说，是始料不及的。不过，两人发展下去，发现彼此想法都越来越近，慢慢地走到今天，来到第10个年头。松松自言：“呢段爱情发生之后，一切都非常美好。”松松姐姐现在苦尽甘来，能遇上最适合的人，感到轻松自在，这个闪光弹放得令人心服口服。

松松出生于南方，张铎就来自北方，彼此最初都有差异，直到现在都闹出了不少笑话：“有时候倾偈，我唔太明白地道嘅北方话，佢闹我蠢都会唔知㗎；不过当然，有时我都会讲广东话笑佢，搏佢听唔明！哈哈！”就算有文化差异，沟通从来都是经营关系的重点。手挽手走到第10年，松松姐姐就讲到爱情保鲜的心得：“佢（张铎）就话喺一个家庭入面，只可以听一个人讲㗎啫，所以佢将所有决定都交畀我，佢话我先系CEO。”未知各位女士会否很羡慕？不过，松松姐姐再补充：“讲笑啫，其实我哋好坦白，基本上系冇秘密。如果有问题嘅时候，就会一齐去workout一个solution，会用一个坦白嘅心去商量，究竟系用咩方法。”

其中一个方法，就是解决大部分情侣、夫妻都会面对的问题：吃晚餐，但没有头绪。松松与老公商量出打分制度：“如果一个想食韩国菜，一个想食日本菜，佢就会叫我各自评分，10分为标准，韩国菜8分，日本菜5分，好啦咁就食韩国菜。（有冇试过真系拣唔到？）唔会拣唔到嘅，只要你将所有喜爱，憎恨讲晒出嚟，一定会做到决定。”记者听罢，也觉受用。