ERROR演唱会加开一场现炒价　肥仔：ERROR飞可以换BLACKPINK门票

ERROR下月举行三场《明星生活ERROR Live Show 2022》，门票日前开卖火速售罄。ERROR今日出席ViuTv节目发布会后，接受访问时宣布将会加开一场，193表示：“开咁多场都攰，明星就系咁有钱都唔赚。”保锜表示由于不设内部应购，所以没有任何飞债可言，问到怕唔怕会出现黄牛飞，193原来已问价：“因为我都唔系好够飞，780元系炒到1300几，我觉得我哋起码3、4千。”肥仔笑言可用ERROR飞换韩国女团BLACKPINK飞。

193表示日前经理人济哥收到私讯，对方表示自己系某艺人的助手，希望可以买到ERROR门票。“对方头象系靓女，我心谂呢行啲助手全部都好丑，唔系香港人嚟，佢以为用美色可以引到济哥。佢系衰咸湿，但有时都有少少谂法，好在佢问我哋，唔系就桃色纠纷。”4人又狂笑济哥其实系DRY哥，又指他一年3百多日都系dry 哥。

对于近日有指其演唱会海报及名字，疑似抄袭本地独立乐队米奇老味神奇屋(The Low Mays），Dee表示：“我认为搞一个骚，骚名都真系唔会有人记得，就连我哋第一年个骚都唔系好记得，但今年有人记得系件好开心嘅事。”193认为有讨论系好，但想专注在自己嘅明星生活上。“标题唔好再益人哋，益返我哋，唔该。”