绳角｜江𤒹生唔够胆同林恺铃拍吻戏　Lokman解释：太便宜就唔好啦

原创剧《绳角》现时在ViuTV热播中，担任剧集主演的MIRROR成员Lokman（杨乐文）、AK（江𤒹生）、Alton（王智德）、Tiger（邱傲然），今日（24/11）在商台接受由Do姐（郑裕玲）主持的《口水多过浪花》做访问。

当中Lokman表示未想到拍摄这套剧集会比想像中辛苦：“练大只、练拳击辛苦就一定，预咗啦，但系𠮶种辛苦系拍完一日十几个钟，翻到屋企仲有好多嘢要做，因为要Keep住大只就要食嘢，然后又要做体能，仲要睇埋剧本先可以瞓，呢个系我觉得最辛苦的地方。”而AK亦非常认同，又言：“拍摄过程真系好长，而我觉得最辛苦系食嘢，因为我同Lokman本身都唔属于好肥嘅人，所以冇乜肉练，所以我哋要食得多啲。”

Do姐好奇向几位成员问到，是否有观看拳击相关的电影作为参考时，Alton表示武术指导（罗浩铭）向他们推介电影《洛奇外传：王者之后（Creed）》，他表示：“因为𠮶到有个一镜到底嘅镜头。”而AK就补充：“话香港好似未试过，所以想系香港拍返一次，系开拍训练时已经（导演）同我哋讲咗想有个咁嘅镜头，所以就排定1set动作，叫我哋好早去练，当然中间会有修改同加减。”

AK在剧中与女主角林恺铃有一段情，AK大爆原本二人有亲吻戏：“其实本身同女主角有锡戏，导演（罗俊伟、祁健聪）有问过我够唔够胆，咁我个阵就话唔够胆。”三位成员马上嘘声四起，Do姐就追问：“点解呢？系咪MIRROR唔可以拍爱情戏？”而Lokman就否认事件：“唔系嘅，不过要睇下套戏系点样，需唔需要！如果太便宜就唔好啦，留返啦！”Do姐就笑言：“咩系太便宜，唔好便宜畀个女仔？”而Lokman就解释：“即系起身锡一啖就唔好啰。”Alton就搞笑表示：“以上发言都系队长立场！”随后AK补充：“再有机会系应该要大胆啲，都系最后有冇大家就要睇啦，因为到时都要交畀导演决定，虽然我咁样讲，都系可能有呢！”

被问到《绳角》会否开拍第二季及电影版时，AK透露故事确实可以延续下去：“因为我哋有个几open嘅ending，同埋个故事系未完晒。”而四位成员纷纷表示希望开拍电影版多于电视剧第二季，AK笑言拍电影的话组数会比较少，而且因为时间较少，因此对角色的描写会比较深入，因此剧情效果就会再好一点。可惜现时仍然没有相关的计划，因此几位成员表示要做势宣传，AK笑言：“要呼吁下投资者。”而Tiger就表示：“有budget就电影，冇budget就广播剧。”