TVB型男古天祥16年前入市细楼换大楼：住10年卖出去仲悭咗租

2019年签约TVB艺人的古天祥今日（27/10）出席潜水节目《潜．规则》的记者会。古天祥接受《香港01》访问时，直言拍摄节目是寓工作于娱乐，他说：“每次潜水都唔知睇到啲乜嘢，所以海洋会带畀你好多惊喜。”他表示，对重拾放下了10年的兴趣感到开心。

早年古天祥在《我要做行业主2》节目中提起过买楼的经历，原来他的初始基金只有90万元。他说：“我开始出嚟做嘢嘅时候，爷爷已经开始叫我要储钱，唔好乱使钱，唔系勒紧裤头而系要投资。佢同我讲买楼都好重要。”

如是者，当他大学毕业开始做模特儿时，赚钱之余也慢慢学会投资。他说：“到我有少少钱就同爸爸喺澳门买咗层楼，当时03年赌权未开放，楼价唔算好高。”他表示，买下物业后爷爷就在澳门居住，几年后爷爷身体变差又撞上赌权开放，物业的对面又起了赌场，所以就将物业放售。他说：“03年买，连埋车位90几万左右，卖𠮶时300几万。”

澳门物业卖出后，爸爸在内地有事务，所以又在樟木头买楼，隔几年后内地楼宇又升了，他就将这10年间所得的，在物业投资赚到的钱在香港买楼。他说：“一部份喺樟木头买楼，一部份就投资生意，不过衰晒，哈哈。樟木头𠮶度买咗40几万，升咗上100万左右。反而最开心系油塘层楼，我买咗200几万，住咗10年卖出去差唔多800万，中间仲悭咗租金。”上年节目中，他也提及过自己入市买大埔嘉丰花园近千万单位。总括讲，古天祥由2003年入市买楼，以细楼换大楼方式买入卖出，16年内就由90万钱揾钱变成近一千万，翻了近10倍，可谓是投资有道！

虽然炒楼赚到钱，但他本身理财习惯也相当好。他说：“爷爷教落要理财，同埋我而家系一个爸爸，我都唔系好注重个人享受，好似以前买表，买哈利电单车，我都系喺低价钱买，变咗喺一个保值状况之下成为咗其中一part嘅投资。”