高达迷2万元买模型女友嗌分手　谭杏蓝撑毒男：冇理由剥夺佢人生

男人有时就好似大细路，不少人爱打机、砌模型、储波鞋等等，对于女仔来说，这些兴趣却往往被视为浪费时间金钱，尤其是到达谈婚论嫁阶段，因为要储钱结婚，男友更要半自愿下告别这些嗜好。近日有网民分享惨痛经历，话说他本身是高达迷，正在跟女友储钱结婚，却不慎被女友发现他，偷偷用了两万元买了高达模型，女友随即闹他无谂未来，更嚷着要分手。

该名高达迷面临分手边缘，网民知悉他的惨况后，随即一石激起千重浪，纷纷留言“两万蚊好湿碎，女友买手袋都唔止”、“男人爱高达，女人唔明白”，亦有网民同情事主，建议他“掉晒啲高达去挽救关系”、“买返个同等价值嘅手袋俾女友”，究竟是女友重要，还是高达重要？相信事主都不大肯定，亦有网民提议直接识个钟意砌高达模型的女友，以后就无晒烦恼。

网络红人谭杏蓝，早前送过波多野结衣性用品给男友，还要问对方试用报告，相当前卫大胆，名副其实是100分女友。她接受《香港01》访问，知悉该名高达迷苦况，随即表示，“如果佢哋感情脆弱到用两万蚊就分手，其实老早就应该要分。第时我结婚都系选择财政独立，因为我就系可能用两万蚊买“高达”𠮶个，人哋钟意买乜咪买乜啰，如果结婚前买两万蚊高达都唔可以嘅时候，我唔敢想像结咗婚之后生活会有几凄惨，冇理由剥夺咗佢嘅人生㗎嘛。”

男女大不同，姊妹们买名牌手袋，动辄过万元，但若然男友用逾万元扫玩具，肯定是死罪。谭杏蓝却有不同见解，“女人买贵袋，等于男人买车嘅啫，最重要埋单𠮶个系自己。揾得到，又使得到，最重要系使自己钱就最好。(部分女仔会觉得买模型等于买嚿胶，花钱又阻地方？)佢哋唔明㗎啦，𠮶种系情意结，可能细细个想玩高达，但屋企穷无钱，依家大个咗，有返少少经济能力，又要喺结婚前，想买个靓高达放屋企，咁都唔得？依家揾到㖞。细个俾阿妈管，依家俾女朋友管，唔系呀嘛？我明嘅。”

高达迷分享惨况：

谭杏蓝称如果男友跟她说想用两万元买高达模型，而他又好钟意，她也不会反对。谭杏蓝更分享自己的亲身经历，“我男友好钟意电影《回到未来》，都有谂过买原装模型，记得系要几千蚊嘅，当时佢心郁郁嘅，我话“买啰，买啰”，心谂又唔系要我买。其实个女仔越系叫你买，你就越系迟疑，到最后佢系自己决定唔买㗎。(支持男友嘅兴趣，令彼此关系更加好？)两个人喺埋一齐，做乜都应该支持啦，又唔系伤天害理。既然唔影响到其他人，佢又好开心嘅，何乐而不为呢？”谭杏蓝明白男人心事，更袋钱入姊妹们个袋，大家学到嘢啦。