有线监制邀亚运金牌何宛淇介绍风水师？ 录音曝光遭怒斥欺骗市民
人气风水师傅七仙羽近年凭搞笑和亲切形象极速上位，不但接综艺节目接到手软，更升格做广告女王，又搞唱笑会又进军电影圈，新戏《猛鬼3宝》宣传如火如荼，同张敬轩、郑欣宜、MIRROR等红星都熟稔，七师傅长䄂善舞，曾自爆太高调惹行家眼红落降头针对，未知是否因事业再上一层楼，七师傅竟再惹来行家多番追击！
事源是，有风水师傅爆料指，近日受一位有线电视监制邀请，与香港硬地滚球伤残运动员何宛淇合作拍节目。该监制表示，因有见玄学界有不少“害群之马”，“想俾市民认识好嘅玄学师傅，唔系想邀请你做Artist呀。”
这位名为许果朗的风水师傅今日于Facebook上载一段录音对话，片段中该监制发送了何宛淇的资料给许果朗，指希望邀请5位玄学师傅作嘉宾，许果朗拒绝后，监制随即解释发出邀请原因：“（想）今次由呢位残奥得主何宛淇嚟带出良心经营嘅玄学师傅。”
他指希望许果朗考虑是否想帮人，“始终点解我哋开呢个节目嘅原因，系因为每一个行业都好严重良莠不齐嘅现象，喺三年嘅疫情底下，喺呢个市道下更加多人笃信玄学，但当中都可能有你哋行内嘅害群之马，令好多市民蒙受损失，所以我哋希望藉住运动员嘅公信力嚟畀到市民一个好嘅选择。”
该监制强调：“唔系话去到邀请你做Artist，唔好误会咗先。咁我都知你唔系Artist，系师傅嚟㗎嘛，睇下你哋想唔想由奥运（亚运）金牌得主介绍你哋，等多啲人认识你哋。”许果朗质问：“等人认识我，定系帮大众受骗？不受骗。”监制继续说服对方，指每位师傅都经他严格挑选，“观众睇完个节目，如果佢哋都想揾一啲师傅帮手嘅，佢哋都想揾奥运金牌运动员介绍过嘅师傅呀，定佢哋都唔知系乜嘢嘅师傅呀？”、“唔好嘅（师傅）我都唔揾”。
监制邀请许果朗到有线电视大楼开工作会议，他说：“因为我必须要亲自认识咗果朗师傅你，至可以正式帮你落实，因为我都有责任帮运动员去把关。”许果朗最终以“冇兴趣”为由拒绝。
许果朗发文炮轰，似乎为钱不满：“话我有良心可以帮人，我已经好客气推架（㗎）啦，又话我太谦，既然有名气咁当然系收钱啦，我去澳门拍玄学节目，每一集都有钱收呀！”又怒斥被指靠何宛淇上位：“仲话我要靠何小姐先可以比人认识！咁究竟系你要我帮市民？定系何小姐帮我呀？”
他无端拉人落水，意有所指道：“真系唔好当我LuLu！我个名冇七字架（㗎）！”、“我个名冇七字呀，你揾有七字个（𠮶）位啦！”许果朗更公开呼吁何宛淇接拍节目前先三思。
许果朗曾亮相潘绍聪的网台节目《恐怖在线》，又曾接受传媒访问。翻查许果朗Facebook，这并非是他首次提到其他风水师，去年10月一篇文章中他以“数字仙女毛”称呼某风水师傅，批评对方冇料。惟许果朗亦曾被公开投诉算命不准又收得贵，“完全冇料，乜都答唔到。”
《香港01》就此事查询七师傅，七师傅直言不认识许果朗，并大方回应：“不值一提🙏”尽显高EQ！
同场加映：“百亿富三代”钟培生就快封盘？ 历年8位绯闻女友都样靓身材正