呢铺开乜 | 苏民峰睇“脚相”女主持晒靓脚　倪嘉雯获赞有阔太相

J2（82 台）明晚（15 日）9 点半有苏民峰拍住 4 位 J2ers；倪嘉雯（Carmen）、陈若思（Amber）、陈国麟（Doniven）与及新加盟的黄嘉雯（Carmaney）主持的《呢铺开乜︰开坛》，解答风水命理疑难，明晚师傅会教观众睇“脚相”。

三位女主持有备而来，名正言顺穿上热裤、露趾鞋晒美腿，又在苏师傅面前展示步姿点评。Carmen 虽然被指有点外八字，但脚形一流，脚腕够幼、小腿稍微有肉，完全具备做阔太的条件。香港小姐出身的 Carmaney 行得有型有格，但被发现其中一只脚有内八字，不过苏师傅话可以后天改善兼转运。

除了内外八字，苏师傅在节目中会讲到俗语成日提到的，行路“脚踭唔掂地”会有什么后果；“蛇步”同“跳下跳下”行路方式，又意味什么？而脚幼如筷子的女仕，会是怎样的人？下半段提到癦对面相的影响，是否真的“面冇好癦”？苏师傅用家燕妈妈薛家燕做例，同观众讲解。

三位女仕知道今集美脚会上镜后，事前做足准备。Carmen 话拍摄前，如常每日搽 cream，她说︰“不过每次都会搽埋脚板、脚掌。一年四季都会搽。同埋我净系会着波鞋，今集都系应师傅要求着露趾鞋。”她话避免着平底同高踭鞋，不只易攰又会暴露空气中，令双脚干燥及甩皮，特别是高踭鞋，担心会搞到小腿发达，影响脚型。

对于节目中被赞靓脚兼有阔太相，Carmen 话未想过嫁入豪门︰“对爱情有啲睇化。都单身咗 4 年半近 5 年，暂时冇对象，都享受单身生活，觉得几自在。平时钟意留喺屋企做自己嘢，得闲出去见下朋友。将来当然都想组织家庭，不过目前冇渴求识男仔住。”

Amber 话当日知道双脚要出镜，返家即刻做检查，她说︰“最紧要睇下有冇啲新（脚）毛生出嚟未剃。平时每两三日就会做一次磨砂，每日冲完凉都会搽 lotion，同埋因为天生脚型唔靓，所以我瞓觉之前都会着住睡眠袜瞓觉，等第二日小腿唔好咁水肿，啱我呢啲水肿型体质，主要系修小腿。”她笑言试过开头着，睡到半夜忍不住除了下来，而且脚板会有少少麻痹感觉，但第二朝瞓醒，小腿确实瘦了一圈。

Carmaney 话出镜前没有特别护理，只要尽量不撞瘀及剃（脚）毛︰“不过做咗 laser 之后冇呢个问题。同埋唔好晒咁黑，太黑冇咁好睇。”她透露本身有少许入字脚，教练话做 gym可以纠正，她又爆小学本来是田径队成员，因为听大哥讲跑得多会令脚粗，所以第二年便退队。