爱回家｜细龙太陈伟琪曾被大前辈粗口“教做戏”：直接就X交叉我

“细龙太”陈思圻（前名：陈伟琪）（Vicky）离巢后发展一样咁好！虽然不再于《爱．回家之开心速递》出现，但除了社交平台外，幕前工作也十分活跃。近日她接受《月倾会》林柏希访问时，大爆原来曾被《爱回家》大前辈粗口问候。

访问中她讲到被称为“有钱女”，家住独立屋的传闻，她就说：“我唔知点解传到系独立屋。细个𠮶时，我谂我爹哋系揾到啲钱嘅，𠮶时家境OK，我哋住跑马地，住咗20年左右啦，之后就搬咗！之后睇𩠌食饭啰，因为你老人家退休咗，始终只系有出冇入，所以佢哋都好悭住使！”

她早前说过因为想有个好开始，揾师傅改名而花了6位数字，这笔开支原来也是问朋友借的。她说：“我谂唔做旧公司大概年半度啦，我个人有啲lost呀⋯⋯我其实系问朋友借钱帮我改名，问我啲好friend嘅friend，可唔可以借住少少嚟先！我逐个月逐个月还返畀佢哋㗎，我𠮶阵时都有返工，做紧一个headhunt嘅executive search firm，我冇公开讲过！”她还表示旧公司的月薪只有两万元左右。

离巢后会不会找堂大佬MIRROR的Frankie（陈瑞辉）介绍过档？她回答：“我唔想影响我堂大佬，我嘅意思系，我唔会用呢啲卡住啰！”两堂兄妹由细玩大，Vicky话皮皮细细个已经好靓仔，说：“细细个佢都系keep住靓仔嘅，冇核突过，哈哈哈！用一个亲戚嘅眼光呢，佢系一个靓仔啦，跳舞好型啰，同埋佢系成日笑嘅人，我觉得佢系一个好顺得人嘅人，乖仔嘅！”

她也大爆自己曾被电影制作人问价，说：“我唔开名啦！有一个都几出名嘅电影制作人，话签我做artist，佢话上嚟office倾吓啦。我心谂office唔使惊啦！佢话：‘下一套电影就畀做女主角。’跟住佢就畀合约我，话签10年。之后佢同我讲：‘你收入咁唔稳定，不如咁啦，你跟我出trip做我女朋友，我就每月俾两万蚊。’something like that！” 她续说这位电影制作人问价还有行动，说：“跟住佢已经行紧过嚟，已经想咀我，我吓到傻咗，跟住我即刻擸袋跑出去！”陈伟琪透露这位呢位电影制作人的名字是三个字，并不是两个字的。

陈思圻（前名：陈伟琪）被问到拍摄《爱．回家之开心速递》时，最受委屈的一次经历，她就直言曾被大前辈粗口问候，说：“好多人会想教你点样做嘢，你教我系真心想教我吖？定系你想show俾大家睇，你系number one呢？我会觉得𠮶次，佢系可能show俾大家睇系number one！直接就X交叉你，你识唔识做戏㗎，你乜乜乜乜乜呀，X交叉你，呢啲系前辈，我睇紧啲位，谂紧点样做，佢已经开始X交叉你啦！”

连锁反应之下，连导演都用讲粗口闹陈思圻（前名：陈伟琪），说：“个导演都会！我其实拎住个电话系睇紧个剧本，或者我系part of我个戏。佢话：‘cut cut cut cut cut，做咩事呀你，做乜玩电话’。我话：‘part of个戏嚟嘅。’好多呢啲事会发生啦⋯”

最后问陈思圻（前名：陈伟琪），如果TVB揾她，会不会愿意回巢？她回答：“我真系好多谢《爱回家》编剧，真系睇住我个角色嚟写，好锡住我啦！我会（返TVB）嘅，纯粹系因为，我知道好多观众成日同我讲，等紧你返去，到而家仲等紧我返去㖞，两年啦，而家仲等紧我返去！”她表示，如果回巢也是因为观众。