梅妈亲自否认被禁锢　斥梅启明穷风流：美国又有苏州屎仲有两个仔

已故香港天后梅艳芳虽已离世多年，但其家人纠纷一直不时见报。胞兄梅启明最近又再入禀高等法院，指姪儿及看护欺压软禁梅妈覃美金，向二人索偿合共800万元。梅妈接受访问时否认被禁锢，更爆料指梅启明仍有私生子：“佢喺美国……有‘苏州屎’，仲有两个仔！真阴功啰……”

电影《梅艳芳》去年上映时，梅艳芳胞兄梅启明突然入禀高院，控告电影公司侵犯其持有的“梅艳芳”商标，并要求赔偿。事后梅妈覃美金直斥他财迷心窍，更被激到入医院，表明不再向他提供经济援助并登报要与梅启明断绝母子关系。梅启明入禀高等法院，亲撰的入禀状指姪儿梅柏麟滥用梅妈每月25万元的生活费，私人看护“郑姑娘”则压迫梅妈登报与他脱离母子关系，索偿合共800万元。

99岁的梅妈近日接受D100节目《娱乐小奶妈》主持潘小文访问，亲自开腔否认被禁锢：“我好清醒有食嘢，郑姑娘好到揾唔番第二个。我点会俾人禁锢，冇咁嘅事，佢（梅启明）想我禁锢就真，所以避佢搬到咁远。佢样样都钱钱钱，一个月畀一万、二万、三万，固定咗我可以做得到，我都会做，但你唔系㖞！攞钱冇固定时间，你叫我点到呀？点顶呀我都系靠阿梅𠮶度生活费，又要交租都两三万蚊租架。”无奈指：“唉！我4个仔女，系呢个最衰，佢以前细个唔系咁，都唔知佢群到咩人变晒。”

梅妈指不相信梅启明指14岁的儿子生病：“畀医生纸我睇下，我尽我自己可能，帮得多少都帮。佢而家老婆同仔都唔顾，仲四围去住揽女人。”她更愈闹愈劳气：“几十岁仲去揾女人搞搞震，（我）啲钱好辛苦㗎，阿梅啲钱（遗产）系用嚟做生活费㗎，唔系畀你拎出去玩女人㗎！你有钱去玩你嘅事，我每使一毫子都系阿梅嘅辛苦钱。佢有钱包10个都唔关我事，我讲明，玩女人我一毫子都唔会畀钱你。佢喺美国又有‘苏州屎’，仲有两个仔！真阴功啰……佢风流，咩唔风流呀。”