邓美欣惨被狗咬手指伸唔直造成永久伤残：用唔到力

邓美欣（Venus）今日（26/8）现身钻石山出席无线热播剧集《白色强人2》宣传造势活动。Venus早前戴同爱犬散步时，不幸被恶犬袭击，手部严重受创送院。经过多次手术后，伤势渐康复，但留有严重后遗症：“其实而家我只中指系伸唔直，而且系用唔到力。而家要定期覆诊，同见职业治疗师同做物理治疗。而职业治疗师要我长时间戴住压力布，希望令到个伤口冇咁绷紧，手指容易活动。不过医生话我只手指系唔会复原变返正常咁，系话我系永久伤残。（案件进展如何？）警方𠮶边已经揾到咬我嘅狗主，案件交咗俾律政司署，而家我系得紧佢哋嘅通知，未知几时要上庭。”