爱回家｜张景淳被消失今终蒲头　拒提迟到：一向我都系准时返工

撰文： 吴子生
出版：更新：

张景淳早前被传因拍处境剧《爱．回家之开心速递》经常迟大到，辣㷫高层曾励珍被掟入雪柜，即使他矢口否认迟到被雪藏，但其剧中角色龚烨被消失多个几月绝对是事实。而《爱回家》每月的宣传活动，依然不见张景淳的踪影，令粉丝们感到相当不满。

张景淳不想重提迟到事件。（陈顺祯摄）

消失公开活动多时的张景淳今日（23/8）终于蒲头，并接受《香港01》访问，解释失踪之谜：“其实我返咗剧组都好几个月，只不过系啲宣传我系咁啱冇嚟度啫，其实大家几时电视见到我，我几时返嚟拍摄大家系一路都知。（而家会唔会捉紧返工时间，唔好迟到？）其实一向我都系准时返工，不过当然我系对得住啲新闻，无论咩原因，有人咁样讲出嚟，咁我自己系会觉得之后实会望住我，咁所以我避免再有误会，我就会再早少少返嚟。”

张景淳今日终于蒲头现身宣传活动。（陈顺祯摄）

被问到该负面新闻是否对其影响甚大？张景淳直言：“其实讲到今日就无谓再讲，无谓一样嘢要讲半年，咁我觉得大家睇完笑吓就算，况且我而家都仲喺度拍摄紧，咁所以我唔会再俾到大家任何误会嘅嘢，咁所以我对呢件事从来冇执著过。”