东张西望︱一条鱼卖6千蚊引热讨 档主爆价值昂贵已售罄︰冇钱赚
撰文： 李婉文
出版：更新：
早前网上流传一张一条海黄花鱼索价6000港元的照片，引起网民讨论，更有人在讨论区开post说︰“6000蚊一条死鱼系咩玩法？”无线节目《东张西望》制作团队亲访该档卖“天价黄花鱼”的鱼档。
海鲜档负责人郑先生指该批一共6条黄花鱼，由两斤几去到3斤几，售价由4000几到6000元，已全部售罄。他又说︰“由绝迹到揾返佢出嚟，其实物以罕为贵，通常养殖系最多嘅，你话野生呢，真系少之有少，所以点解我会卖到几千蚊，或者甚至乎一万蚊，根本佢系有个价值喺度，冇钱赚！因为呢啲鱼，我哋做渔民呢，我哋又要油料钱啦，平时啲老人家嘅生活钱啦，计落去，其实每一日唔系咁多鱼钓到。”
而野生黄花鱼的价值更愈来愈昂贵。除了是因为重斤的野生黄花鱼罕有之外，艺人李家鼎（鼎爷）又解释︰“黄花鱼嘅繁殖力系好弱嘅，同埋人追杀得多，咪自然少啰！黄花鱼系养唔到咁济，咁济啫，唔系百分百嘅，但系养咗出嚟就唔系𠮶回事啰！过斤嘅野生黄花鱼，千几二千蚊斤呢，如果讲出嚟，大把人抢㗎喇！曾经有条5斤几嘅黄花鱼系万几蚊，已经系平㗎啦，行家攞㗎啦！”