安哥同学会｜爱妻离世6年如天使般存在　胡枫：依然都挂念佢

撰文： 邝钰莹
出版：更新：
胡枫原来一直唔知自己点解会叫Bowie。

胡枫（修哥）将于9月10日再度踏上红馆，近日他接受港台节目《安哥同学会》访问时，提到自己入行多年获奖无数时，谦虚表示花无百日红，并谓：“总有一日滑落嚟，我有谂过呢个问题，滑落嚟嘅时候，你仲继唔继续做呢？如果继续做，你唔系主角㗎㖞；如果你唔做，你永远都系主角…咁自己取舍，我同太太都有讲过，太太知道我热爱工作，佢话‘你钟意点样就点样啦’！结果我拣咗继续做呢条路，继续好开心，虽然唔系做主角，而系做爸爸、爷爷，但𠮶种开心比起我以前做主角更加开心，因为个个都对我好，哈哈哈！”

胡枫（修哥）太太吕咏荷在2016年因病离世。（VCG)

节目中，主持人提到曾在公开场合见到修哥同太太吕咏荷嘅相处，并指“佢唔只系你贤内助，更系你嘅天使，好难得。”修哥闻言后更表示：“唔只难得，直情系难上加难。喺我心目中，虽然佢唔喺度几年，依然都系挂念佢。”修哥与吕咏荷于1957年结婚，有影偕双，绝对是圈中的模范夫妻，可惜太太在2016年因病离世，修哥十分伤心，他在亡妻的花牌写上“缘尽今生，来世再续”。

胡枫将以90之龄踏上红馆。(资料图片）

节目中，修哥亦提到唔知点解自己会被改名为Bowie：“喺10几年前，我出席一个party，埋位喇，一张张卡放喺度，边个人坐边个位……啲人叫我坐呢个位，但我拣匀晒都冇胡枫嘅？啲人话‘呢个位咪你㗎啰’！我望一望Bowie Woo，咁我咪坐落去啰，就系咁一路传出去，我唔承认呢个名…但系前几年，既然咁多人叫我做Bowie，算啦！Bowie就Bowie啦，最紧要开心，个名点得嚟？我唔知！”