白云自爆曾因身形感自卑　惨被朋友批评︰“个胸太大好核突”

前无线艺人白云推出入行以来首本个人写真集，日前，她出席新书签名会答谢粉丝，她接受TVB 娱乐新闻台的访问时，自爆曾因胸大而被朋友攻击。

白云自言很久之前已有出写真的想法，不过竟因为自卑而打消念头，搁置计划，她说︰“见到人哋出写真我都会心郁郁，但系之前我真系会自卑嘅，因为太多声音𠮶阵时会讲‘你个胸太大，所以好核突’，真系有啲女仔friend，或者有啲人会咁讲，或者话‘你咁嘅身形系唔靓嘅’，咁我就会觉得系㖞，出得写真都系𠮶啲好窈窕啊，我𠮶阵时会系觉得自己唔靓，但系而家我有自信，我觉得所有女人都系靓嘅，只要你自己觉得自己靓，只要你觉得你有闪光嘅位，可以畀你爱嘅人见到就OK啦。”

白云又觉得每个人都有她的魅力，“我觉得我哋每一个人散发出嚟嘅性感魅力都唔一样，譬如有一啲人系眼神好有魅力，有一啲人系有体香嘅，有一啲人系讲嘢好智慧嘅，咁你接收到嘅人就唔同㗎啦！你嘅另外一半系会欣赏到你嘅闪光点嘅，咁我觉得就够啰！”