Tyson Yoshi屋企地址曝光后连外卖都唔敢攞　30岁后唔做歌手

歌手Tyson Yoshi（程浚彦）8月在九展STAR HALL举行4场《MY NEW WORLD ORDER》演唱会，近日他上Do姐（郑裕玲）《口水多过浪花》剖白往事，Tyson Yoshi曾为化妆牌子任职设计师，。入行不久的Tyson Yoshi坦言成名后颇为焦虑。早前Tyson Yoshi家中地址意外曝光，他连攞外卖都要提心吊胆，他说：“而家送外卖，我都系隔住道门叫佢摆喺门口，我试过一打开门，外卖员就话终于见到你啦Tyson。唉，因为佢送开喺𠮶区呀嘛，佢会传出去㗎嘛，所以几困扰，冇谂到喺屋企门口都俾人认出。”

Tyson Yoshi曾因此事大怒，但无法怪责父母不懂拒绝别人要求，当时他已预感事件迟早爆煲，“但冇谂过咁快发生，因为个节目都几偏。”除了不敢攞外卖外，Tyson Yoshi去到人多地方都因怕被认出而“标冷汗”，他说：“出到铜锣湾、旺角，我试过停低一阵间，影一个就好多（个），但我又唔想Say no，我从来未试过Say no，成日都要好急步咁走。人哋眼神一望我就开始惊，一入铜锣湾我就要低头，标冷汗。”Do姐则鼓励他要克服外界目光。

另外，Tyson Yoshi透露打算2年后迈入3字头便不做歌手，Do姐大感吃惊，Tyson Yoshi解释想转做幕后，例如MV导演，他说：“有啲嘢系某个年纪适合做，有啲嘢系𠮶个年纪就要做𠮶个年纪嘅嘢。”

Tyson Yoshi又透露以父母为鉴，不打算赚到钱便提早过退休生活，他笑指：“成世人做死一样嘢系冇可能。因为我见到父母，我觉得冇嘢做就真系好似佢哋咁留喺屋企。（Do姐：你父母Eejoy咪得。）佢哋唔Eejoy呀，又话闷又盛，我叫佢哋出去上堂、学吓咩班，佢哋又跳唔出舒适圈，所以我成日望住佢哋（就谂），我老咗真系唔要好似佢哋咁。”

点击下图睇更多Tyson Yoshi嘅豪宅相同埋节目截图对比一下！