吴业坤澄清冇奉子成婚　太太被传媒追拍吓亲︰佢有啲惊咗

歌手吴业坤今日（19日）于观塘apm出席活动。坤哥早前宣布与日本女友滨口爱子结婚，今又出席父亲节活动，惹来奉子成婚揣测。坤哥台上澄清指仍未变人父，打算储多几年钱才“造人”，生仔定女都无所谓。锡老婆的坤哥透露平时会帮太太吹头，又经常用日文向老婆示爱，非常甜蜜。

坤哥接受《香港01》访问，他表示太太今日应有到场支持他，他说：“今日我出门口先呀嘛，佢应该有嚟，佢都话都想睇吓我工作感受。”坤哥称阵间会偕妈妈、太太回家食饭庆节。谈到闪婚，原来坤哥妈妈也是最后一分钟才知儿子结婚，虽然坤哥自认不孝，但妈妈无怪罪他：“佢都赞我叻仔嘅，佢都觉得娶到个好老婆孝顺佢啰。”

坤哥应承一定会补摆酒：“想俾妈咪感受下做奶奶嘅感觉。”并希望邀请太太家人到港出席。另外，坤哥又透露是太太自己拣求婚戒指，心意搭够价钱不重要：“又冇10万嘅，但佢钟意啰！”谈到被指奉子成婚，坤哥老婆原来不太开心，坤哥说：“太太都好惊俾人以为系奉子成婚，所以佢今日佢都叫我快啲同记者朋友澄清。”

早前有传媒追拍坤哥和太太，坤哥指太太虽曾于日本从事幕前工作，但仍不习惯被跟拍，他说：“喺佢面前影相，佢都叫做有啲惊咗。本身就想等佢对香港有安心感觉先介绍佢出嚟，可能始终有少少呢啲香港文化佢未适应。”

坤哥指太太适应后才决定会否于香港揾工。如今太太略懂广东话，对坤哥的歌则一知半解，坤哥说：“大家问佢广东话，佢就话‘少少’。（识唔识你啲歌？）可能未识歌词啰，我都有略略教吓，例如《无价》系讲妈妈嘅歌，佢就哦，讲妈妈。但我都唔会迫佢听，佢都有选择自由。”

坤哥之后将回内地工作一段时间，太太则会回日本。问坤哥会否归化做日本公民，坤哥指未想到这么长远。