野人老师｜河国荣搣甩“御用鬼佬”之名 孖郑丹瑞夹Band超新鲜
撰文： 赵允琳
出版：更新：
郑丹瑞、男团MIRROR成员Stanley（邱士缙）及Frankie（陈瑞辉）、沈殷怡及谈善言等人今日（12日）出席《野人老师》拜神仪式，有“御用鬼佬”之称的河国荣今次在剧中饰演郑丹瑞和朱栢谦的老朋友，又透露三人会在剧中夹band，甚至为拍摄该场面而苦练一星期：“我哋有一场玩band嘅戏份，所以我都练紧歌，佢特登写咗首歌畀我哋表演，系英文嘅，但都唔易学！”
河国荣过去在TVB经常饰演外籍阿Sir而深入民心，今次终于跳出框框，令他非常有新鲜感：“我唔知其他演员，但我钟意头尾有变化、有两种感觉嘅角色，我好少拣角色嘅，一系接受、一系唔做，导演揾我嘅时候就已经同我讲系同音乐有关嘅角色，我冇乜点犹疑，两日就已经答应，我当时有个直觉话我知要接。”
他笑言自己并非拒绝再演阿Sir这类型的角色，但有层次感的角色会更好：“好似电影《边缘行者》我都系做英国政治阿Sir，𠮶个角色都好正，因为佢唔系100%纯洁，变咗有好多层次可以表现出嚟，所以唔一定话做阿Sir就唔好嘅，做反派系可以有好多嘢可以表达。”
近年有不少“御用鬼佬”如布伟杰都有北上发展，河国荣笑言暂时未有收到内地的工作邀请，但自己亦不抗拒：“除咗钱之外，都要攞到工作签证，如果我冇签证就上唔到去，二来个角色如果系有十几集，又唔系净讲企喺一边几句肤浅嘅对白，我都OK㗎！”