Apple姐爆男友麦德罗好难凑 要用藤条调教：佢最曳
撰文： 吴子生
出版：更新：
刘丽萍（Apple姐）孖住儿子西川健智、连同男友麦德罗今日（5/5）现身尖沙咀举行《唱爱妈妈Online Music 2022》。Apple姐表示：“今年好开心仔仔返嚟香港陪我过母亲节，因为好几年佢都唔喺香港陪我。而佢一阵间会唱歌俾我，真系个心都甜晒。”而仔仔健智就话：“几年冇因为工作问题冇时间返嚟香港陪妈妈过母亲节，都觉得有啲内疚，不过唔紧要一阵我会送返晒歌俾佢，答谢佢。”
而麦德罗就话：“今日防疫措施开始放宽，又可以8人座位食饭，又可以除口罩唱歌做运动，谂起都好开心。”Apple姐笑指最难凑是麦德罗：“虽然本身我有三个仔女，但佢就最曳，对付佢要用藤条。”而麦德罗鬼马说：“我受唔少呀！变咗我而家抗打能力好强。哈哈！”