余德丞离巢即返新工做电台主持节目　公开多谢Do姐给予机会终圆梦

现年32岁的余德丞（Dickson）前日 (1/5) 突然于YouTube宣布已离巢无线，与TVB结束8年宾主关系。Dickson在片中清理在TVB的储物柜，更讲道：“其实都啲伤感，但旧嘅唔去新嘅又点会嚟。”除此之外，他还大爆自己一直对公司未能澄清点灯续命传闻一事耿耿于怀。

Dickson宣布离巢短短一日，原来已经有新工返了，认真叻仔！他昨日把自己第一日返新的日志短片公开跟大家分享，他由拍片剪片全部一脚踢，充满干劲迎接新开始。片中可见Diskson朝早10点半便起身刷牙洗面准备返工，他吃完早餐后就自己驾车出发到商台，原来来他是到商台担任《口水多过浪花》的客席主持，与Do姐郑裕玲、余迪伟以及杰朱一齐起做节目。他表示由于录音室不准录影，于是就post了他与三人的大合照来代短片。众人亦有为Dickson送上蛋糕，祝贺他开工大吉。

首日的节目录影完毕后，Dickson坦言自己第一日开咪表现好紧张，他说：“救命呀，好紧张我想讲，平时我就真系口水多过浪花，但系我去到《口水多过浪花》就真系一滴口水都冇，因为好紧张又惊讲错嘢。所以...做节目同平时做人吹水系完全两回事。”期间他又发现他眉宇之间的暗疮在短短一个节目时间已经“熟透”。他又透露当日节目主要是讲读者的来说，又自评表现说：“其实我觉得做得真系唔系咁好，因为我太多顾虑，我好担心其实我畀个意见唔啱，或者我无好充份代入佢 (读者) 角色，所以我就唔系好敢畀意见。”虽然Dickson第一次表现未如理想，但他就举起三只手指发誓下星期一再做这个环节时，会给予多些有用的意见。

Dickson又谈到为何会做DJ，说他在2011年大学毕业后，曾申请过做商台节目编导（PA），但因犯了一个超级大错误，最终连面试机会都没有。他说：“我系串错咗人哋个姓，Mr. Kwok，我串错Kowk，难怪会冇回音。好好彩，好多谢商台，好多谢Do姐，隔咗11年后畀多次机会我，喺大气电波开咪，我会继续努力，ok，有啲行，我会用行动证明嘅。好啦，呢条片就讲到呢到，因为依家所有嘢都系一脚踢，我要赶去下一站喇。”Dickson亦有在社交网留言表示：“十年前想做嘅一件事实现了！”

他接受《香港01》访问时被问到今次是否Do姐亲自找他，他说：“Do 姐系一个好好而且值得信赖嘅前辈，其实我自己每次有机会作客口水做嘉宾，我都自荐话想一齐做，同埋想玩 ice breaker。接触我问我有冇兴趣做客席嘉宾主持嘅系监制杰朱，之前都同佢合作过，而我一直都系口水同商台嘅 fans，所以我好快就已经应承咗。都好多谢商台多谢 Do 姐俾个机会我实现咗我11年前嘅梦想，喺大气电波开咪。”