黄贯中有意购入自家NFT　老婆朱茵落闸唔畀：你唔好抢人哋啲嘢！

继月初发行首支NFT音乐作品《彗星》后，“摇滚教父”黄贯中（Paul）宣告强势回归！近日Paul为《黄贯中歌曲翻唱大赛》担任线上评审，不但暖男上身逐一回应粉丝提问，也寄语参赛者尽情享受舞台；席间还预告有望于年内推出全新实体专辑，用音乐回馈“中粉”。

作为首位融合AI科技呈现原创歌曲并发行NFT的华语歌手，“摇滚顽童”Paul直呼好玩，也笑言与HarmoniXX的AI“合作”愉快，撞出新滋味！谈到出自他手笔的《彗星》封面均与狗有缘，他笑言歌迷看到的四大结晶只是冰山一角，原来他竟亲自绘画了近六十幅画作任君选择：“我由出世到依家一直都有养狗，所以好钟意画狗，今次就顺理成章做埋NFT。其实我准备咗五、六十幅畀佢哋拣，多到佢哋叫我唔好再画，所以最后拣咗四幅。”

从传统歌坛踩入NFT市场，Paul认为元宇宙的创作环境广阔多元，有助音乐人建构更多可能性：“做音乐做咗几十年，突然面对一个新媒体，我哋都会紧张，一开始都会有啲担心，唔知大家接唔接受；不过NFT音乐系一种全新面貌，见到一个全新嘅音乐展现，我觉得好兴奋！”他也笑言正因为音乐NFT《彗星》限量发行2000枚，更突显每个“宝贝”独一无二，令他一度不舍“女儿出嫁”：“我好钟意其中几个版本，同事都叫我自己买番，我真系有谂过买㗎！不过后来又谂，出歌都系想畀大家听到，冇理由仲要同歌迷争，我老婆都闹我：‘你唔好啦，抢人哋啲嘢！’”

有人辞官归故里、有人漏夜赶科场，人人都说唱片业式微、专辑没落，Paul却反其道而行，向广大“中粉”投下震撼弹──有望于年内推出实体唱片！回溯上一只个人专辑，已经是2013年发行的精选辑；十年磨一剑，全因为坚持做靓声、重现音乐精神：“由作曲开始已经构思好每一粒音，呢只碟做咗几年喇，希望一路修正，可以喺今年内推出；中间有歌做好都会派台、储够就出碟，可能一只、又或者两只，三只都有机会㗎。”

至于新碟概念，Paul视它为一个交代、一份回顾，也希望借此传承下去：“对我嚟讲系一张成绩表、系我呢一生人做音乐嘅成绩表，我由八几年开始出唱片，就快四十年喇，我都希望自己有一个里程碑。有啲人会话：‘你做咗几十年仲出唱片？’因为呢个年头出唱片真系一个好勇敢嘅行为，但系我认为我唔可以唔出，因为我系一个音乐人，希望呢只唱片对自己有个交代。他日真系老到结他都弹唔到，我就会叫大家：‘听呢只啦！’希望新专辑可以扮演呢个角色。”他更透露有意再出书，实行以音乐和文字为歌迷送上最窝心的礼物。