曾江逝世｜女儿曾慕雪到殓房认尸　感谢关心︰希望记住佢靓仔一面

资深艺人曾江昨日（27日）被发现倒毙于尖沙咀一间指定检疫酒店房间内，终年87岁，死因仍有待确认。而曾江的遗体被送往葵涌公众殓房，今天（28日）现场大批传媒等候，他的女儿曾慕雪约于上午十时与老公及亲友到达葵涌公众殓房认取父亲的遗体。曾慕雪接受访体访问时感谢大众对父亲的关心，“希望佢畀到啲好嘅记忆，好嘅戏，好嘅故仔畀大家，大家记住佢年青靓仔，好好戏𠮶一面。”

曾慕雪未有交代经过，只说︰“我哋暂时唔仔细讲，大家都接受紧呢件事，真心多谢大家都关心爸爸。”她又表示︰“我希望佢畀到啲好嘅记忆，好嘅戏，好嘅故仔畀大家，大家记住佢年青靓仔，好好戏𠮶一面。我哋屋企人都接受紧，我哋会加油，去处理要处理嘅事，大家唔使担心。（事前知唔知佢有唔舒服？）都几廿岁啦，我觉得系正常老人家嘅身体状态。都系啲血压高，都好正常。”曾慕雪希望大家记住父亲曾江享受人生的一面，她说︰“知道佢系好贪玩，又钟意食又钟意去玩，所以佢真系enjoy佢嘅life，希望大家记得佢呢一面，呢个系一个阶段。”

有记者问检疫酒店在事故发生前有否将药送给曾江，曾慕雪则表示︰“我哋唔再讨论呢啲，讲真都发生咗，冇嘢会改变到，冇任何处理，而家大家慢慢消化呢件事，对我哋屋企人嚟讲仲紧要，真系多谢大家嘅关心。我好感觉到爸爸系会feel到大家对佢嘅爱。希望大家记住佢。”曾慕雪流露出哀伤的神情。她又说︰“我觉得……好多嘢都唔系检疫酒店做得到，或者大家想像到会发生咩事，可能好多嘢需要大家应变。”而她与焦姣偏向低调处理曾江的丧事。