人妻谭凯琪拍亲热戏事前无需向老公申请：系咁咦讲声
撰文： 吴子生
出版：更新：
人妻谭凯琪（Zoie）今日（20/4）现身电视城出席无线剧集《廉政行动2022》宣传造势活动。Zoie表示：“我都好耐冇出嚟见人喇，起码成个月都冇出过街，系因为而家屋企有小朋友，我系会特别担心。（有冇出现抗疫疲劳？）如果唔出街还好。但如果要带佢出街嘅话，就要带齐晒佢嘅嘢之余，就要带埋啲防疫用品，其实都几大阵仗，咁所以都会有啲攰。”
被问到拍亲戏是否需要事先向老公申请？Zoie笑言：“其实我同老公都一齐咗成十年嘅时间，而佢亦都习惯咗我嘅工作性质，初初嘅时候都会同佢交待清楚，咁但系而家就会系咁咦讲声啰，哈哈！就唔会话得定唔得，就唔会咁样喇。因为佢都好相信我嘅为人，亦都好相信公司过份都有限啰。（有性感尺度底线？）都会有嘅。就好似啱啱我生完嘅时候，我著咗吊带衫，我都会好唔自在，可能会觉得始终做咗妈咪有咗个身份，咁所以系会有呢个谂法。”