林峰拍戏搞到周身伤 竟被爱囡一个举动彻底冧爆

林峰今日（19/4）现身电视城出席无线音乐节目《劲歌金曲》录影。林峰透露早前拍戏搞到周身伤痕，回到家时，竟被爱囡一个举动彻底迷倒：“因为我只手有好多花痕，佢见到之后，佢走埋嚟指住我话痛痛，然之后佢会用个嘴吹我手上面啲伤痕跟住佢就会话呵呵。因为喺佢细个嘅时候，教过佢一痛就会呵呵，然后跟住会吹一吹。其实喺𠮶一刻佢咁做，我真系冧晒，变咗我即刻冇晒事。”

问及经常出外工作少见囡囡，会否十分挂心？林峰直言肯定会：“就好似之前咁，因为疫情大家分隔两地，太太就话不如带埋囡囡过嚟陪我，我话好，系因为令我更加有动力去做嘢。（会否生多个陪囡囡？）其实都有谂过，始终都想佢有个伴，不过一切都系顺其自然，就冇话想相隔几耐就生，我哋都好随机。”