曾志伟力撑《金宵大厦2》冇种族歧视　认为外界对剧情有一种误会

由TVB制作的选美节目《香港小姐竞选》新一届即将举行，今天（17日）于TVB举办全球招募活动，无线电视总经理曾志伟亦现身出席。而志伟哥曾担任《香港小姐》21届的主持，提到今年会否出山再做主持，志伟哥即落闸：“今年难啲啦，不过21年的确系唔少日子，港姐嚟讲对我嚟讲都好有感情。仲有好多好MC嘅，必要时咪出嚟问两个问题。”

早前传出王祖蓝辞去TVB首席创意官一职，其后TVB也发表声明澄清祖蓝并没有辞职，志伟哥也认为无需要去回应：“澄清就畀人觉得有，佢依家做紧一个好重要任务，主持《声生不息》，佢都要成为一个保姆身份，帮我睇住Gigi（炎明熹）佢哋。”

另外《金宵大厦2》早前播出的单元《姐姐》，演员黄婉华涂黑皮肤扮外佣的举动惹来极大回响，事件更扩展到国际层面，志伟哥坦言一切是误会：“我觉得系大家有一个误会，就系以为话我哋揾一个外籍人士，我哋特登涂黑个身扮佢，其实角色需要系讲佢一个菲律宾人士，然后变白，咁就难啦。因为唔可以揾一个菲律宾人涂白佢，所以只能揾一个人涂黑佢。好似我成日讲一个例子，拍电影有外星人，我哋唔可以揾一个外星人嚟做，咪我哋扮，咁我哋唔算种族歧视外星人呀，呢个只系我哋剧情需要，唔系因为外藉人士特登扮黑，所以只能够摘其一，一系黑变白，一系就白变黑，唔存在种族歧视。”

点击睇《金宵大厦2》黄婉华靓相：