黄静蓝主持初体验“打大佬”　七师傅语出惊人劲赞佢系“人妖”

模特儿黄静蓝（Nam）自与李日朗（Don）拍拖后，经常被传媒冠以“李日朗女朋友”之称，最近她为香港开电视《疫境中的餐桌》担任嘉宾主持，日前（14/4）接受《香港01》访问时，还被节目监制张志明（B哥）大赞“有前途”。虽知道张志明曾与不少《3日2夜》女神合作过，看来黄静蓝要由“李日朗女朋友”晋升为“女神”真是指日可待！

说到初次担任嘉宾主持的心情，她自己心情十分紧张，说：“尤其是第一日开工遇着七师傅（七仙羽），大家都知七师傅语出惊人又幽默，基本上佢哋叫我hold住个场我都唔系好驾驭得到，托赖顺利完成。好以为七师傅会有啲咩整蛊我，原来佢非常慈悲，佢仲要称赞我㖭，话我系‘人妖’，原来佢话‘人妖’系一个好好称呼，因为‘人妖’好靓！哈哈，当日师傅称赞咗我好多。”

访问当日监制张志明路过时，还向记者表示黄静蓝十分有前途，她说：“好开心呀，因为第一日返工我好紧张，背稿又走嚟走去，因为惊一个人NG累到大家，侧边又系七师傅，又有名厨，唔可以因为我呢啲small potato搞到大家NG，所以B哥就喺侧边教我。”

张志明（B哥）一向以制作旅游节目有名，她也表示很想参加旅游节目拍摄，说：“我都想去旅行会带埋我，不过我就唔比坚尼得唔得？做B哥嘅第一个‘唔比坚尼女神’。我条颈咁长，背心唔系几睇，可唔可以着高领？我着潜水衣做深海美人鱼都ok嘅。但系，如果大家咁想睇（我着比坚尼），即系咁，我就冇乜料到，如果大家咁睇得起我嘅，我接呀！”