伍咏薇重提老公练海棠出轨 当下超冷静问清楚：啲相影到唔紧要
撰文： 洪晓璇
出版：更新：
伍咏薇入行32年，出名大情大性从不掩饰做人直率，接受网上节目访问时忆述当年老公练海棠先后两次出轨，伍姑娘表现冷静成功挽救婚姻。
与老公练海棠结婚廿多年，曾经历不少风雨，伍姑娘当年从记者口中得知老公出轨后，竟代夫向公众道歉，原来得知消息当下亦异常冷静：“当年我老公曳曳，被记者捉个正著，当时我系要出外景拍嘢，有记者Send咗WhatsApp畀我，仲有啲相，问我有咩回应，我就回应佢‘你啱啱Send畀我，我先知嘅，我都要出去做嘢，到时候再回应啦，等我处理吓先。’”
伍姑娘指当时收线后，轻轻拍醒睡在身边的老公：“我叫佢‘慢慢起身，唔使惊，而家讲啲嘢畀你听，有记者影到你同女仔一齐喺架车度......’佢听到即刻弹起身，我话‘唔使惊，冷静啲，我阵间出去做嘢，唔好影响我情绪，啲相影到，唔紧要，两公婆闩埋门解决问题先，你坦白同我讲发生咩事，出到去就由我去回应。’咁我问佢有咩想讲，佢话对唔住......话我忽略咗佢，系嘅，因为我摆咗好多时间喺事业上。好喇，等我做完嘢返嚟再慢慢倾，我返到屋企，放松晒成个人，坐定定，佢梗系唔知点样啦，我都叫佢放松啲，我承认系少咗陪佢，我真心同佢讲呢番说话，我问佢对我有咩感觉先，如果你想分开，就同我分开，如果想再试吓就一齐，所以当时我哋好自然就圆满解决咗。”
点击看伍咏薇《金宵大厦2》40秒发癫演技大爆发：
+11