金宵大厦2 | 陈山聪拍电椅一幕真反应：呢个真电㗎，我仲叫扭大啲

TVB（无线）剧集《金宵大厦2》热播，再次令男女主角陈山聪﹑李施嬅人气急升，话题度有升无跌。而凭着高人气的陈山聪今（7日）就获邀请出席商场的直播活动，担任星级kol向市民推介电子消费卷潮买攻略，吸引不少市民围观，人气相当高企。

消费卷多用在家庭上

既然陈山聪担任星级kol向市民推介消费卷潮买攻略，适逢今日是领取消费卷的首日，所以在接受访问的时候被问到如何使用此次消费卷，陈山聪就表示：“我同我太太都会用多咗去喺jaco（陈山聪儿子）一啲书本上，同埋一啲益知嘅玩具、游戏上面。”（小朋友有冇要求买咩呢？）小朋友当然未知喇！jaco 无所谓嘅，你俾咩佢佢就玩咩。（太太有冇要求买咩呢？）太太更加唔会，所以呢个消费卷，我谂我哋用返日常用品当中，或者日常生活嘅嘢，比如食嘅嘢、抗疫用品上面，所以我谂消费卷除咗买嘢俾jaco 之外，其他地方都系用喺家庭上面。（自己有冇话想买啲咩呢？）其实真系冇，冇乜嘢想买。”强调消费卷多会用在儿子及家庭上。

全裸戏没有用替身

随着《金宵2》热播不少剧情画面开始多人讨论，其中就好像在昨日陈山聪全裸露股从天而降的戏份，引来许多网友猜测。对于如此牺牲色相，陈山聪表示在拍摄前其实已知道有这一场戏：“知，其实我一路睇剧本，我揭嘅时候，一望‘哗！唔系呀哗。’跟住我同阿细（监制）讲‘全裸？’佢话‘你睇落去先啦’跟住我同佢讲‘得啦！拍啦！’”因为二人合作多次对彼此信任，所以陈山聪亦没有多问就拍摄。而陈山聪亦扬言监制有问过他需不需要用替身，不过给他一口拒绝：“我话梗系唔使替身，我做。其实去到后面大家解构到点解，我琴日会喺个天跌落嚟，然后全裸。唔系因为为去抢收视全裸而裸。”而他亦表示当时拍摄这一场戏时是没有清场的，待工作人员试好位后就正式拍摄。

困绑戏考究精神病院病人

虽然女主角李施嬅因病而未能现身宣传剧集，不过她亦非常用心经常在社交网站上贴剧照或花絮片为剧集宣传，其中在花絮片可见陈山聪被电击又被困绑，整个场景相当恐怖，被问到当下电击一幕是不是真的，陈山聪就表示：“呢个真电㗎！其实𠮶𠮶系冇危险性，有一啲电贴用嚟治疗，我试过我知道系点。”还扬言当下拍摄时，叫工作人员电力开大一点亦不要紧，因为如此能够令他更加投入。而被困绑在病床一幕，原来是有考究的，他表示：“绑咗好耐，我哋拍咗三日喺厂拍。其实绑𠮶𠮶好复杂，因为真系考究返以前人哋精神病院疯人𠮶啲，因为要做到效果。”可想而知他为了该剧果真下了不少功夫。

剧集“豆瓣”夺8.8高分

另外，讲到剧集只是播了几日而已，除了在香港大受欢迎之外，在内地亦深受喜爱，于影视评分平台“豆瓣”获得8.8分，相当之高。陈山聪对于剧集有如此好成绩亦相当开心：“8.8分好高一个点评，对我哋嚟讲系好大嘅一种鼓舞。首先我同施桦都己经知道内地有一班金宵迷，同埋香港金宵迷，仲上埋热搜，呢样嘢令到我同监制、编审、施桦，甚至乎我哋每一个单元嘅主角都系一种好好嘅礼物。我哋咁辛苦去拍咗一套戏出嚟，有咁嘅成绩得到咁多网民、观众、金宵迷嘅认同，呢个对我嚟讲，我系觉得比任何嘢都更加好。”