专访 | 苏皓儿为搣甩“As One味”不惜毁容：唔想咁𡃁妹商业化
前女子组合As One成员苏皓儿（Chloe）最近于无线（TVB）电视剧《金宵大厦2》有破格演出，在单元二《双鱼》饰演女儿郭渺渺，与母亲伍咏薇贩卖悲情。其中一幕伍咏薇得悉Chloe犯错后大怒，发癫大闹掌掴女儿，开花洒用水淋身狠心惩罚。Chloe今次抛开包袱，不惜以毁容样示人，更与伍咏薇大打出手。
Chloe不讳言“放”是要搣甩“As One味”：“组合𠮶阵畀人感觉好𡃁妹、好商业化、好韩系，而家就想多样性啲。今次角色系毁容、烂面，我系好冇包袱，我系好放嘅，希望观众可以见到我唔同嘅一面。”
发型: Al Leung @ The Attic
化妆: Melody Chiu
摄影：梁碧玲
相信观众犹记得Chloe于TVB电视剧《那些我爱过的人》饰演林文龙女儿，清纯校服Look获不少宅男大赞超正。Chloe于《金宵2》饰演被操控的人偶，与伍咏薇如同“双鱼”般命运纠结一起。现实中，Chole谈吐举止娇柔，但她早已过上独立生活，对答中也能看出她是个颇有谂法的女生。
天生天养 父亲曾专程赴广州睇骚支持Chloe
提到家庭关系，Chloe笑言自小父母是“天生天养”，与剧中控制狂伍咏薇走向两个极端。而Chloe父母如多数华人父母一样，爱意从不频频宣之于口，但会默默支持Chloe的演艺事业，她说：“有一次去广州表演，阿爸山长水远去到𠮶个商场仔度睇我表演，都好感动。𠮶时我哋组合7点钟就要化妆，之后上保母车，再过关彩排，要早好多到。活动喺中午，我好专心喺台上表演，见唔到佢，我都冇特登去揾佢踪影，原来佢好低调喺远处观众台上面。后来佢喺现场即刻Send返啲片畀我，我入后见到佢嘅Message先知佢到场支持，都好惊喜。”
As One不是包袱 感恩好姊妹多年陪伴
近年Chloe决心走向演员路，积极接戏，但转型谈何容易，尤其As One以往算是小有名气，身为“门面担当”的Chloe更是与As One划上等号。惟Chloe从未视As One为包袱，她坦言，若是现在才出道，就算参加声势浩大的《全民造星》，她估计自己需要到30多岁才适应娱乐圈，更不会收获一班好姊妹，她说：“由组合行到呢一步都好唔容易。因为我系一个好慢热嘅人，需要好多经历去成长。以前喺组合，例如对答呢啲，小小问题都应付唔到，所以要浸好多年先去到而家呢个Level。所以我如果而家先出道嘅话，可能要浸多好多年，去到30几岁先可以正常对答，都唔系一件好事。我都好庆幸喺以前年代出道，拥有好好嘅队友。我哋而家都系好姊妹啦，佢哋陪住我哋一齐成长。”
开心有粉丝仍怀念As One：会追睇晒讨论区啲Post
Chloe身为前女团成员，如何看待如今本土组合发展？疫情肆虐逾两年，许多港人由韩流明星，转向支持本地组合，MIRROR已靠庞大本土粉丝奠定坚实基础，COLLAR一出道便广告代言不断。倘若As One在如今时代背景下出道会更红吗？Chloe认为，即使As One现在出道，也未必够电视台捧出的组合多资源、曝光机会。她开心有粉丝仍然记得As One，但不欲多作比较，并认为As One已尽力，成功过便足矣，她说道：“我有时都上啲讨论区见到有人开怀念As One嘅Post，我有追睇晒，我都觉得好有趣。但我都相信时也命也，𠮶时出道都有回响，我哋去过韩国表演，有当地一班Fans，咁就唔会咁谂、咁样去比较。”
自认女团前辈 不欲比较
会否心中有惋惜？Chloe思忖数秒，摇头给予清晰的答案。她笑著自认女团前辈，是时候退役，后浪推前浪，实属正常，她说：“咁又冇谂过呢啲，因为我而家都转做演员，都专注演员发展，都唔会再作比较。同埋都过咗去，我都觉得自己系前一辈啦！哈哈！”
“理想型”是识煮饭：我就负责洗碗
说到这两年私人生活，由于近来停晚市的缘故，Chloe开始留家学煮饭，择偶标准随之而转变。她希望未来男友是一位识煮饭的男仔，自己愿意帮手洗碗，她说：“呢个月我开始学煮饭，我好多道菜都系Fail嘅，我觉得好浪费我嘅Quota。我就希望对方识煮嘢食，我就负责洗碗，咁就系一个完美嘅配搭。”入得厨房，要出得厅堂吗？Chloe害羞笑指：“外貌都需要嘅，顺眼就得啰！”
苏皓儿（Chloe）专访美照：
同场加映：金宵大厦2 | 伍咏薇迫毁容苏皓儿扮惨 取材自美国母虐女24年真事
金宵大厦2 | 李施嬅外闯荷里活变双料影后 自爆曾打算唔接续集
同场加映：爱回家｜10位30岁下现役清纯女神 “港大杨恭如”仙气直迫倪嘉雯
十位现役清纯女神：