传高薪掘角TVB旧班底搞新《东张西望》　余咏珊唔敢邀功：成就嚟

近年无线（TVB）资讯节目《东张西望》频频称霸收视榜，在最新一期收视报告中，《东张西望》无论平日的27.1点，或是星期六、日的25.3点和28.2点，都是收视之冠。对此，有传前无线电视助理总经理（非戏剧制作）余咏珊计划在开电视重现自己一手打造的新《东张西望》，消息更指她将会以高薪掘角现时《东张西望》班底过档。

对于大搞新《东张西望》并传每人至少加5000蚊人工，余咏珊回应《香港01》时就表示：“冇㖞，我冇揾过任何人！”她亦称未敢邀功：“我觉得《东张西望》越嚟越成熟，第一好敢言啦个团队，第二做得好纯熟，系成就嚟，唔关我事㗎，《东张西望》成个团队都做得好好，做得好出色，我都好感动，佢哋真系好有心同有力，变咗一个完整嘅团队。”

余咏珊否认大搞新《东张西望》，并透露目前集中火力搞下星期一（4/4）推出的煮食节目《疫境中的餐桌》：“呢段时间我哋连动咗香港大约60几间食肆，加埋超过600间店舖做优惠，一齐回馈返个社会，只要同佢哋讲想要个‘开电视套餐’就会有一个优惠，我哋花咗好多力同佢哋倾合作，你叫得出嘅大品牌都喺度。我觉得将电视同呢个社会连埋一齐，香港人好唔开心所以决定为呢个社会做啲嘢，都不分日夜咁做，做得好辛苦呀！因为要逐个套餐倾，又要拍返晒啲嘢，唔系想做个煮食节目咁简单，净系做节目就唔够诚意，都唔同所有嘅食肆倾钱，大家都辛苦，希望同香港人一齐过好痛苦嘅经济萧条，俾返啲优惠大家。”

《疫境中的餐桌》除了找来前无线主播梁凯宁担任主持，更找来郑融、梁茵、林希灵，黄恺怡，林泳淘、黄婉蔓、七仙羽和Coffee等做嘉宾，美女如云！

点击下图睇吓Maggie嘅Story同佢其他靓相︰