讲你都唔信｜郭子豪爆一线艺人淫底 曾志伟：唔怪之得你做茄哩啡
撰文： 董欣琪
出版：更新：
由曾志伟、钱嘉乐、丁子朗及林秀怡主持的无线（TVB）全新综艺节目《讲你都唔信》在本周首播，其中一集就请到“森美旅行团队”的森美、麦美恩及吴若希，与“食脑三子队”的何广沛、郭子豪（Arnold）及方绍聪（奶仔）比并。众人大谈“饮醉酒嘅经历”，奶仔大爆何广沛成日酒后乱性，行为极之“淫底”，Arnold更讲道：“其实TVB通常呢，愈做得愈一线𠮶啲就愈淫㗎！”令全场哗然，丁子朗直指他这番说话会得罪好多人，而曾志伟就沉默了几秒后讲道：“唔怪之得你成日都做茄哩啡啦！”
奶仔随即“补镬”，解释道一线艺人饮醉酒后变化大，与平时的形象不同，他指何广沛饮醉酒会周围揽人：“男男女女都揽嘅，去到一两点就Crazy，直头锡人㗎，抢人哋啲女添㗎。”奶仔透露有一次适逢Arnold生日，Arnold女友邓卓殷（Amber）都有出席生日会，但何广沛又酒后失常，Arnold更即场上演当时的情景：“广沛本身醉咗自己掟埋一边嘅，跟住冇啦啦醒咗就冲去Amber𠮶度，我心谂嬲到呢，佢好似真系想咀落去咁，梗系嬲啦，你醉还醉，但唔好做啲咁嘅嘢吖嘛！”
“食脑三子队”即场播出当日的短片，奶仔更指何广沛有碰到Amber块面，搞到Arnold非常嬲，但何广沛就坚称完全没有印象。不过“森美旅行团队”就一致认为这个故事是假的，而最后揭晓的确是假的，何广沛即时澄清：“我点会真系想锡阿嫂先？同埋我点会真系淫底呀？你真系信佢两个呀？”原来当日何广沛想锡的是寿星仔Arnold，但就被Amber阻止。其实何广沛与Arnold及奶仔因合作拍摄剧集《食脑丧B》而成为好兄弟，三人更一起开设YouTube Channel，搞得有声有色！
+30
何广沛被踢爆睇AV当场面红 奶仔方绍聪：佢特价join咗VIP
+18