陈苇璇突然休克被送往ICU　犹有余悸：瞓喺地下休克状态系咁震

《全民造星III》亚军，曾是女子组合As One成员的陈苇璇，于IG限时动态自爆休克被紧急送入ICU，令粉丝非常担心：“行到变到要瞓喺地下休克状态，咁大个女第一次去深切治疗部。”

陈苇璇于社交平台忆述出事经过：“唔系好瞓得着，所有嘢好突然…话说食完晚饭休息咗两个钟谂住落街跑步，跑咗十几分钟都无事，一路戴住口罩，见热除咗件风褛（入边都系长袖衫），再跑咗无一分钟就开始脸好痕，我心谂应该同之前一样都系生风癞，所以已经停止跑步折返屋企。”

虽然陈苇璇有警觉性马上准备回家，但病发来得相当急：“好快全身都好痕，脸已经开始好肿，我行行吓就开始晕，好彩啱啱男朋友陪我跑，唔够一分钟我已经由晕晕哋，但行到变到要瞓喺地下休克状态，我听到有几个人行咗过嚟帮手，但已经睇唔到嘢，唔知自己去咗边咁，佢好快call咗白车，好快到咗，都好快去咗医院，唔知系咪因为太冻，我由白车去到医院都系咁震，医生帮我打咗针，我开始有番知觉讲到嘢，佢话我系敏感性休克，虽然未知敏感原系咩，但啱啱血压太低要留院观察，咁大个女第一次去深切治疗部。”陈苇璇特别感谢医护人员，透露已转去普通病房，多谢大家关心。