强尼如何变成“三级片字典”？　自爆18岁睇《玉蒲团》：幕幕精彩

现年48岁的强尼（许博文）前日（17/3）作客陈志云YouTube直播节目《Stephen．倾》。提到强尼之前在张敬轩YouTube节目《轩公敲碗》自封“三级片字典”，陈志云即问他为何会迷上三级片，他说：“8、90年代，确实系三级片非常蓬勃嘅年代，记得有次同中七同学，啱啱够18岁，我哋喺自修室温温吓书，我同学大我一年，我同佢讲‘闷闷地，不如睇出三级片！’，佢话咁大胆，跟住我哋换咗校服嘅上衫，跟住去咗土瓜湾珠江戏院睇《玉蒲团》，第一次睇，心情系‘我大个仔’。”

反起跑线联盟｜梁咏琪、强尼齐晒幼稚园相　AK零变化外貌最易认？

直认当年缺乏性知识的强尼被问到当时是否仍是处男时，他即尴尬笑说：“中学系，中学系，哎呀！死喇！第一次讲，因为我读男校。”他亦有继续分享首次睇三级片的感觉：“刺激㗎，记得行入戏院𠮶下流汗㗎，始终考紧A Level，放低本书用两个钟过嚟睇《玉蒲团》㖞，𠮶个内心交战……（好唔好睇？）梗系好好睇，幕幕都好精彩，徐锦江又飞天，𠮶时咁神奇。（刺激到你有性幻想？）又唔会大个先至谂，系同朋辈做一件咁大胆嘅事，觉得好历奇。（你觉得最好睇系边套三级片？）最好睇都系《玉蒲团》，因为系我青春嘅烙印！”而被问到9岁仔是否已经开始睇类似影片，强尼便指儿子年纪尚幼，仍正值睇卡通片的年纪。