特首林郑被批抗疫不力　冼国林暗讽处事不变通：江山易改本性难移

王祖蓝的舅父冼国林今日（18/3）现身观塘出席网台节目访问。被问竞选特首选有没有信心取胜？冼国林接受《香港01》时表示：“坦白讲，如果冇信心我就唔出嚟啦！亦都知道有好多人话我未够班，有好多冷眼与嘲笑。咁其实如果我信念系冇错，中央即系俾一啲爱国爱港，有能力有承担，亦唔怕得罪人嘅人做特首，咁所以我认为我系够资格嘅。当我公开参选之后，我系收到好多选委打畀我支持我，咁所以我唔觉得自己入唔到闸。”

对于外界有人质疑他没有从政工作经验，可得可能参选特首之位。冼国林暗讽说：“系，我系听到好多人都话我冇从政经验，又话我冇做过议员，又冇喺政府部门做过，质疑我嘅能力。我又想讲你哋话行政经验好重要，咁现时政府都好多行政丰富经验嘅人啦，而且大部份人都40年行政经验，咁你哋都话佢哋唔得，咁即系你哋话俾我听，事实行政经验系唔重要啦。咁所以有行政经验唔等同于佢哋有办事能力会做到，咁所以唔好自我矛盾啦。”

被问到如何评价现时特首林郑月娥的抗疫工作表现，冼国林表示：“我就唔会评论佢做得唔好嘅。而我就觉得佢仲系沉醉于与病毒共存𠮶个概念，虽然佢把口冇讲到，其实香港已经接近系同病毒共存。而佢可能顾忌太多，过份审慎而搞到而家咁嘅情况。而我嘅睇法系如果你任何嘅计划要做到好完善先行，基本上系唔使行，因为行咗未必啱，去到𠮶日会有好多变化，所以一定要有个大纲规划，然后照去行。行咗之后有咩唔妥，就不断修改。”

冼国林续说：“而林郑特首而家就系40年嘅从政经验，就话咗俾我知乜都要有规有矩。讲真而家香港已经同以前嘅年代唔同喇，系要随机应变。（会唔会觉得特首好硬颈？）哈哈！不如咁讲啦，每个人最大嘅敌人都系自己，而性格好难改，俗语有话‘江山易改本性难移’，而佢属唔属于硬颈呢？我就唔会批评。而佢嘅政策就过份审慎，我就觉得可能系喇。咁所以我就觉得佢系要变通吓。”